英文去邊補/搵邊個補好?我中,英,數呢三科,又應該去邊補?

宜加中三到啦,
三科主科入面,除左英文呢科真係覺得補梗之外,其他兩科唔知補唔補好
希望大家比比意見(如果冇時間,集中講下英文點,因為英文呢科特別有需要)
講反各科程度

中文
呢科成績不嬲幾好,雖然作文能力未到中文閱讀理解咁既水準,但都唔弱,不過自己覺得有好多漏洞係入面。閱讀理解成績一向好高,但係我好清楚係因為我不嬲都用大包圍(諗到乜寫乜,見乜有關都抄)攞分,但咁樣落去,去到高考通常會冇時間做哂。
唔知呢個情況,需唔需要請作文/中文老師教?自己有冇方法改善呢?

英文
呢科係真係好想集中加強既科。我唯一一科,連自己都覺得要老師去補
英文本來好掂,但好細個曾經有段時間覺得自己叻哂,d題目太簡單,唔洗聽都識冇聽,結果到左下一年,完全唔明老師up乜,結果越聽越唔明,越唔明又唔問,又唔自學,又冇追上去既打算,於是越黎越差,一直持續到宜加,大約5,6年啦,所以目前程度真係相信同小學生冇分別(認真)。
升到中學通常都係上堂都唔明miss講乜,於是聽唔落,等miss公佈考試考乜之後,考試前幾日溫左佢,所以考試成績唔多好,另外係自己係考完就唔記得個隻。
但我而家真係知錯,誠心學好,英文無論讀寫聽說(閱讀都比較好D,就算成篇野我唔明佢up乜,我通常都考得唔錯,因為我起碼可以由問題推估到佢要我答乜,但寫作,我gm又唔得,詞語又唔識多隻,點作?而聆聽又唔似閱讀,可以比我睇好多次,佢講一次就完,我詞彙又唔識多隻,呢個就好似作文咁,要我點做?說方面都係唔得,又係詞彙唔識文法唔掂。)都係好唔掂,英文好希望比幾個名師我,我一個月唔介意為左佢(真係有誠意學好)放千銀幾落去。(最緊要真係有成果)
(希望都列出邊個老師邊part勁,推薦既,如果嫌麻煩就唔洗啦,只要列出黎都thx你架啦)

數學

呢科睇下我聽唔聽。肯聽書通常都高分,不過係「遇難越高分,遇淺越低分」.因為我成日都因為掛住睇難既地方,忽略簡單既要點,搞到有時明明岩哂作業入面所有難題目,係測驗上都攞唔足分甚至有時都唔高分。希望如果去補習,佢俾既notes可以無論難淺,係要點就有齊,咁樣我可以齊中攻難既地方,淺既地方可以因為有notes,睇幾眼就知邊d要留意。
呢科都唔係好肯定要唔要去補好,希望大家都比比意見

希望可以既話列一下收費(唔列都得ge)