地勤空姐同HKTT航空公司實務文憑課程一問 ???

其實如果做地勤既話, 要求唔會話太高所以唔一定話要讀到文憑... 基本上如果你中英文能力唔差, 佢地都已經會考慮... 而且文憑課程都只係比你一D對呢個行業既了解... 當然亦都要睇返你想入邊一間既地勤啦...
基本上香港而家有2大(比較常請人)主要地勤服務公司... 一間係 國泰, 第二間係 怡中... 國泰係可以比你內部轉職由地勤去空中服務員, 所以佢既入職要求係比較高(中七以上比較多), 而且佢現時因為經濟問題暫停招聘... 而怡中就只係做地勤服務, 相對要求比較低(中五都已經可以), 而且係長期招聘, 不過因為佢無飛行部門, 所以無得轉去做空姐...
如果睇你所講, 如果你係以空中服務員為最終目標, 咁可以你可以考慮既就只有 國泰航空 既地勤/空中服務員, 不過佢地短時期內都唔會請人(09年內都未必)... 所以你可以考慮讀一個課程既, 起碼到時請人既時候你都可以話你對呢個行業有一定程度既認知, 而唔係為左認可性因為好多時佢地只會睇你夠唔夠, 而唔係睇你讀過D咩(至少呢一種工種唔會)...
其實都無話讀左咩課程就一定做到咩... 因為讀同做係兩回事黎既... 其實只要佢肯interview你, 就已經唔係睇你既學歷而係睇你既表現, 睇你既對答 等等...