意大利和希臘自由行

樓上位仁兄其實答得好好，資料夠又全面。不過坦白講，我覺得佢比既資料對樓主黎講實太多，樓主已經唔係好知去邊度好，睇完咁多仲亂。小弟係度簡單講講我既意見。
既然樓主講明會係羅馬入境，然後由雅典番香港，咁就明確好多，其實我覺得遊意大利加希臘係一個幾好既行程。不過先嚴肅提醒樓主，近排希臘七國咁亂，大型暴動無日無之，到依家都無人知平息未。另外，如果樓主剩係遊意大利加希臘，咁多數都經過意大利南部，對歐洲有少少認識既人都知意大利南部治安唔係幾好，尤其是南部大城拿坡里(Napoli)既街頭罪案世界聞名，樓主如果真係要去就要極度小心。
樓主23日咁多實在好正，因為你既時間極為充裕。先講意大利，一般人都係分南、北兩個部份，好少人南北部一次過去晒，好似我呢啲歐遊初哥，去意大利暫時都只係去北部。而去北部旅遊都離唔開去四大名城，即係羅馬、佛羅倫斯(加比薩)、威尼斯及米蘭。雖然四個城市都好出名，但係每一個城市逗留既時間都唔需要一樣，但時間點分配就要視乎樓主既需要。一般黎講大家會留係羅馬同佛羅倫斯耐啲，小弟建議你係羅馬留4日3夜，最少都要3日2夜，咁先可以去晒有價值既景點。佛羅倫斯最好留3日2夜，因為要預一晝去比薩睇斜塔，再番黎佛羅倫斯就無咁趕。威尼斯雖然出名，但大部份人都留比較少時間，因為佢真係無咩睇，純粹只係見識下呢個水鄉，小弟係呢度都只係留左一日咁多。至於米蘭就更加無野睇，去既人通常都只係為左買名牌，如果樓主對購物無咩興趣就唔好去啦。
之後應該點﹖就要睇樓主想點啦。不過小弟覺得正常啲應該係去埋意大利南部玩。南部最出名當然係上面提到既拿坡里，係羅馬或米蘭都有火車直達拿坡里。呢個城最出名既係佢既港口聖塔露絲亞灣(Santa Lucia)，有人話佢係世界上最靚，甚至有一隻好出名既古典音樂都以呢個港灣命名，而呢隻音樂實在出名到樓主一定聽過，當然小弟無辦法係度播。不過我睇過呢個港口既相，發覺佢應該無靚得咁緊要，加埋呢度既治安，樓主真係要唸唸去唔去。
意大利南部有個景點唔係咁多講，但佢係西方世界就好出名，就係藍洞。藍洞係一個叫Carpri既小島上，自羅馬時代開始就已經係旅遊名勝。佢其實係一個天然既山洞，但入面有條地下河，可以划船，佢最靚既係入面啲水會將陽光折射出一種極靚既藍光，而且仲要滿佈成個山洞，小弟剩係睇相已經覺得佢極靚，有機會應該要去下。
去完意大利，可以去希臘。據小弟所知，意大利南部港口巴里(Bali)有船去希臘，但我建議樓主最好搭飛機去雅典。小弟未去過希臘，但據我所知雅典其實無咩睇，可以參觀既就只有衛城(Acropolis)入面既巴特隆神殿(Panthenon)。個神殿雖然有好多支好宏偉既支柱，但其實個殿除左幾支柱就無咩睇，最多半個鐘睇完。去完雅典，成個希臘有唔少景點，例如德爾菲(Delphi)、克里特島(Crete)上既克諾索斯王宮遺址（Knossos）等。不過呢啲遺跡同巴特隆神殿差唔多，都係得幾支柱睇下，係唔係咁值得去就要樓主唸啦。
有兩個景點要講下。去希臘幾乎一定要去聖托里尼島(Santorini)，去嗰度係為左睇著名既希臘白屋仔同風車。坦白講，我覺得呢個島同巴特隆神殿係去希臘既僅有理由，如果唔去呢兩度就唔好去希臘啦。另一個景點係羅德島(Rhode)，佢係希臘已經有二、三千年歷史，佢既舊城區係世界文化遺產，聽聞嗰度幾靜幾優雅，可以一遊。

我建議你到達rome之後可先去一些搭night train方便的cities.可考慮以下的地方:

1. nice, france:
http://www.eurorailways.com/products/night_trains/rome_to_nice.htm

nice也有direct train to venice, italy.
http://www.eurorailways.com/products/night_trains/nice_to_venice.htm

2. vienna, austria:
http://www.eurorailways.com/products/night_trains/rome_to_vienna.htm
vienna也有direct train to venice, italy.
http://www.eurorailways.com/products/night_trains/vienna_to_venice.htm

3. lausanne, switzerland:
http://www.eurorailways.com/products/night_trains/rome_to_lausanne.htm
lausanne 和 geneve 只有20mins 車程.
geneve 有night train to florence (italy) 或 bacelona (spain)
bacelona也有night train to milan (italy)
http://www.eurorailways.com/products/night_trains/barcelona_to_milan.htm

所以你可以圍繞這些地方再去plan. 也可考慮你想去的意大利城市, 再由意大利去希臘, 回香港.

eg. rome - nice - venice -意大利其他cities - greece
eg. rome - vienna - venice - 意大利其他cities - greece
eg. rome - laussane - geneve - bacelona - milan - 意大利其他cities - greece
若你想去捷克.
eg. rome- vienna - prague (by obb) - frankfurt (night train) - munich - rome
還有很多的組合可考慮.最緊要是交通要方便.

2009-03-03 19:01:47 補充：
Oh, I forgot. 除火車外, 你還可check easyjet for flight.
http://www.easyjet.com/en/book/step1.asp Easyjet