請有”飄眉”經驗的朋友分享一下!

yilingkwong：

你好！我最初係做「柔眉」，而且係某大美容公司做咗兩次，效果未算理想，日子耐咗兩條眉更加轉變成紅色，每次出街都要用眉筆遮掩D顏色，最慘每次一抹汗就好容易抹走D顏色，非常唔方便兼唔好睇；好想找間有信心的紋繡中心幫我解決問題，因為真係唔想浪費金錢，更加唔想做完一次又一次都做得唔好哩！

好開心能夠透過網站，找到間專業紋繡中心，令到我可以重拾自信及方便呀！我最近做完「飄眉」，可以跟你分享點滴吧！

1.)「飄眉」唔係好痛，一定無「柔眉」咁痛；我覺得自己個傷口都好快好番，一個星期後都已經好似無嘢咁，頭個星期會較小心護理，跟住的日子咪好似平時咁揸葯膏喇！

2.)「飄眉」之後最好唔好化粧，若果要化就唔好化到對眉啦！因為此終都係傷口嘛！當然唔好沖水，但都可以用水印下對眉做清潔；

3.)我唔知道你睇邊D報導呀！我就覺得效果比之前對眉自然，唔會剩係做一條一條線咁呆滯，「飄眉」師父係我D真眉附近會再做上其他線條，真假眉毛放埋一齊，效果都幾像真；個位師父話而家改用醫葯色粉，係唔會變色架！

4.)若果將來你要整走D顏色，咁我就唔知道要用幾多錢，不過你可以打電話去查詢；

5.)重有就係唔駛咁擔心，我高低眉都可以用「飄眉」修補架！^_^