奇怪厠所，閂大厦鹹水大掣就漏水

你的水箱內有一個負責供水的塑膠機械結構，能夠將水箱內的水對這機械結構中其中一個部件的浮力轉變成壓力去壓著供水部件的供水口，當水位到達某一高度時就會自動制停供水。若水中有大量雜質，有機會令壓合點的壓合零件因被雜質阻礙而不能緊緊壓貼供水口，自動制停供水的功能便會失效，水就會不停進入水箱而從水箱旁邊的overflow出水洞瀉出來。
大廈維修水喉 / 洗水缸時會有水尾，水尾壓力會愈來愈弱，正常情況下水壓逐漸減弱並不會引致坐廁水箱的停水結構失效，但水中雜質數量突增、水壓慢慢漸弱，已經是大廈維修水喉 / 洗水缸時所有的狀況改變了，所以未看過現場環境我也想不出其他原因。
你現在只能找水喉師傅檢查水箱零件是否出了問題，以致被上述兩個原因影響停不了水。
既然你已經知道後果，那你想一想，你以全屋被水浸作賭注，去博取慳回來的幾佰元維修費，注碼是否大了一點？

2009-03-08 14:39:05 補充：
只有坐廁的4吋糞渠在地底淤塞的情況下才會在低層有坐廁糞水倒灌現像，水箱的水是大夏不閂水制都長期有水灌進去的，若水箱的水位己夠高，水箱內一個叫波曲的零件是會像水制般自動閂水，就算大夏閂總制時有水倒灌進水箱，水夠滿時波曲也會把水閂停的。
你能否拍幾張照片給我看看？(1)揭開水箱蓋拍內裏配件。(2)漏水的洞口位置。(3)水箱來水喉入水箱的位置。(4)所有連接水箱的水喉。(5)水箱的中距離全身照。

[email protected]

2009-03-10 01:02:54 補充：
照片己全看過了，很典型的孭箱水箱配件，水箱供水管路系統亦十分正路，絲毫無特別或異常之處，鹹水由天台水缸經由裝於外牆的鹹水喉藉水位本身的壓力流進坐廁水箱，樓層越低壓力越大。
鹹水入屋後是要經過兩度關卡才能進入水箱的，第一度關卡就是坐廁左邊近地面的曲尺制，然後由灰色的幼膠喉進入水箱內左邊黑色的那隻鴨仔，這隻鴨仔是第二度關卡，它是一個變相的龍頭，而且有特別功能，當水箱水位達至某一預設的高度時就會自動閂水。

2009-03-10 01:03:10 補充：
你必須弄清楚一點﹕鹹水並不是由灰色幼膠喉直接放水入水箱的，而是先進入鴨仔內部一個閥門，由鴨仔決定是否放水，若水滿了，鴨仔不放水的話，無論由外牆入屋的是鹹水、淡水、倒灌水、山坑水，都一律不得其門而入。
我的看法是﹕你的水箱不停overflow並不是因為大厦閂水制，而是因為大厦閂水制之後洗水缸，洗水缸總會有剩餘沙屑什質留存在天台鹹水喉中，當重開大厦鹹水制時，沙屑什質會因為地心吸力而聚積在樓宇低層，這些帶有大量什質的混濁鹹水阻礙了鴨仔的閥門令其失效，水便不停進入水箱了。
另外，鹹水水壓大幅增高加也會令鴨仔閥門擋不住的，但大厦閂水制是不會大幅增加水壓的。

2009-03-10 23:05:15 補充：
我想再問一問，每次大夏閂水制而致你的水箱漏水時，你是如何將水箱修復不再漏水的，當它漏水時，水箱內是否全是啡色的水？

2009-03-12 05:34:03 補充：
如果漏水時，水並不會特別混濁多什質，那就應該是水壓增加造成了，但通常只有在重開水制那一刻水壓才會突增。
可能大廈在天台閂水制時有甚麼原因有空氣入喉令鹹水喉失去虹吸作用，鹹水自身的重量便在無吸吮力的情況下湧向樓宇低層造成水壓增加了。
虹吸問題是我唯一想到的原因。

2009-03-12 05:34:30 補充：
現在有三個方案提供﹕
(1)要求大廈管理處工程部循失去虹吸作用及水壓增加問題尋找原因。
(2)找水喉師傅把波曲制水水位調低一點。不建議換波曲，除非水喉師傅肯定波曲制水配件有問題，或新換上去的波曲能抵受更高水壓。
(3)更換另一種在水箱頂按制沖廁的去水胆，這種去水胆內設overflow，水不是漏落地下而是漏進坐廁內，不過要在水箱頂鑽孔，絕大部份水喉師傅都不會接這種order，我認識的亦只有一個水喉師傅有多次這種開孔經驗，信心是百分之九十五，但亦不會承受鑽爆水箱蓋的風險，沒有人會為了賺取幾佰元而去承受這種風險的。

你意思係...大廈維修水喉 / 洗水缸時, 關總水制..既時候???

2009-03-05 12:38:28 補充：
問多樣, 係邊個位置漏水?? 漏得勁唔勁??

p.s.: 你先check清楚係咪水箱有損壞~

2009-03-07 12:38:19 補充：
唔好意思幾日無上黎睇, 聽返你講個情況, 係個水箱底個洞 (應該同oliver講既一樣, 係個入水波曲位) 咁就好大可能係以下2種原因喇,
1. 係你個水箱放波曲個洞邊已經損爛, 有裂之類
2. a.係你個波曲損壞,
2. b. 或者係個波曲裝得唔好

由簡單開始講啦, 2b情況既話, 一般人都可以自己解決, 你試下係咪個波曲位鬆左, 如果係就用手修緊佢, 基本上唔駛用工具, 因為太大力修會修爛, 好多裝修佬都亂黎, 以為大力就好

2a. 哩個就要睇你自己識唔識得換, 其實都係好簡單, 你睇返你個水相係用邊一款波曲, 用舊式廁所拉手制的浮波定係頂按個種, 買返黎都唔駛點搞就咁修返就得, 但記得整前關屋內大制

1.哩個就要換廁所喇.. 我稔你都唔會自己搞. 所以都唔教喇, 因為整得個去水位唔好你仲煩

題外話見你問, 咸水水壓係比淡水細, 一般係1-1.5bar最少, 淡水為2bar, 但最大水壓就一樣

同埋都唔駛太擔心, 你廁所應該有地台去水, 如果地台fall水做得好應該唔駛太驚..除非你真係漏水漏得好勁..睇唔到唔知你情況

2009-03-11 12:11:38 補充：
雖然無睇到你d相, 但係睇oliver咁講係由overflow漏水出黎就簡單好多, 你只需要係波曲度調校水位低返少少就可以, 低幾多就視乎你漏水時, 個水位高過滿水幾多就得, 不過咁做, 係平時可能會輕嚴影響你沖水功能(驚唔夠水沖), 但依家好多新式座廁設計, 已經唔需要太多水就可以利用漩渦作用沖得好好, 所以你先試一試校低左有無影響先, 如果ok就恭喜你, 唔得既就當佢係波曲渣俾洗水缸d沙kick住, 買個波曲返黎換, 點換睇說明書唔難的

2009-03-11 12:11:41 補充：
再唔得既你仲有兩種選擇方法
1. 買個好d既座廁, 但一般出面買既人地都答唔到你佢既沖水功能有幾勁, 買返黎唔岩用仲慘
2. 封左現有滿水吼, 咁做, 就算第時波曲壞要漏水, 都係浸到箱頂先漏出黎, 只係遲左知道曲波壞咁解, 咁就唔係影響太大, 又可以即時知道問題所在