第1次養狗 (貴婦狗) HELP 20分! 急

1.狗一日兩餐其實已經足夠,但份量就要因狗狗身形黎計算
2.幫狗狗沖涼要留意水溫,太熱同太凍都唔好,其實暖暖地就ok,沖涼戈時慢慢同佢淋,記住唔好直接用花曬沖佢個頭
狗ga耳仔唔可以入水,其實幫狗沖涼頭部係唔洗搽沖涼液,用手兜少少水小心咁洗下個頭就可以,沖完涼用狗用棉花棒用佢清耳仔
睇下有冇唔小心彈左入去ga水,要清乾佢,防止發炎,同埋沖涼1~2個星期沖一次就已經好足夠
3.只要鼻哥係正常咁保持濕潤,而唔係有鼻水滴出黎咁就係正常
狗狗岩岩訓醒同訓緊教戈時,鼻頭先會係乾ga
4.只要唔係舔死一個位置,同長時間過密咁樣舔身體,就唔係有問題,當狗狗長時間只舔一個位置,主人就要留意一下狗狗戈個位係米有皮膚病,有時因為狗狗心理因素或者太悶都會有舔手ga動作
只要唔係過密就ok,舔身唔係沖得唔乾淨,只係狗狗自己一種清潔行為
順帶一提,狗狗唔可以食ga食物
頭號殺手 - 朱古力含有咖啡因同一種叫可可鹼ga成份,呢d成份對於狗ga心臟同中央神經系統造成好大傷害,狗食過量呢d物質好容易會中毒死亡,要小心。

第二位 - 洋蔥,蔥同蒜頭有硫磺,會破壞狗ga紅血球細胞,造成貧血病。

第三位 - 唔可以食骨頭,例如：雞、鴨、鵝等...... 一般動物ga骨頭 比較硬而且尖,容易爆裂成為尖刺形狀,係吞戈時容易卡傷食道或者刺傷狗ga口同腸

第四位 - 牛骨同豬骨都會對狗造成傷害,細ga牛骨或者豬骨都好容易會磨損狗ga腸,如果骨頭痴埋一齊,好可能會阻礙腸道系統ga運作。

第五位 - 如果食品已經開始發霉,狗食左之後可以引起肌肉抽搐同萎縮,繼而死亡.所以主人要防止狗去垃圾桶到搵野食


第六位 - 油膩ga食物含高脂肪,會令狗癡肥同引起胰臟發炎,而且令狗習慣左重味道ga食物,會令狗ga口味感變得更重,形成狗咀刁ga壞習慣。

第七位 - 長期食甜野,會令狗容易有糖尿病同痴肥,而辣野,因為太刺激關係會令狗味覺麻痺食唔到野。

第八位 - 特別係蝦蟹等等食物,好容易令到狗肚瀉同生蟲。

第九位 - 有人會用鹽去刺激中毒ga狗嘔,但其實少過1/2茶匙ga鹽對狗黎講已經係足以致命。

同埋狗零食唔好俾太多佢食,容易令到狗狗只係食零食而唔食正餐,餵零食要適可而止
如果重有咩問題可以再問,真係有好多唔明可以係知識到寄信問我

1--食兩歺ok，但都要注意唔同狗糧建議份量，要睇吓包裝上說明，依体重比適當份量。
2--沖涼就要慢慢，首先你要知佢驚唔驚，唔驚當然好，驚就要不斷同佢傾吓講吓另佢信任你；水温都好緊要，你要嚐試，通常微暖便可，唔好用你自己沖涼嘅水温去衡量，要睇狗狗反應，首先淋水由後腳開始，如無反抗就可以慢慢淋上pat pat至全身，如抗拒就要確定佢係驚定水太熱或太凍；濕身後就落梘液，就好似你洗头咁啦，但注意眼睛及咀，盡量唔好入眼及比佢lam；徹底過水，立即吹乾，吹時亦避免吹眼睛。沖涼都唔可以太密，最好約20日一次。
3--狗鼻鼻係濕架，除咗瞓覺或病時先会乾！但如真係流鼻水再加上其他病徵就可能有病。
4--lam自己可能只係壞習慣、有皮膚病，但唔会想沖涼，你睇吓佢皮膚有無異样，如甩毛、紅點之類，無嘅都唔駛驚，但如果太頻密，叫都唔停嘅就怕佢精神緊張或其它問題，睇吓医生好Ｄ。

1夠
2狗梳
3未必
4吾好
5吾系