其實係我錯定係佢錯?

我有一個好朋友
其實都唔知叫唔叫好朋友好
雖然我一直都當佢係好朋友,佢把口都話我係佢最好嘅朋友
但係我發覺佢只係當我係佢一個普通朋友
前幾日
佢為左d好雞毛蒜皮嘅事而呃我
本身黎講我唔嬲
由佢呃我個刻我已經知道佢呃我
我就同佢講:唔好呃我啦,我一早知道啦
但係佢冇同我認錯
反而賴落我到(唔係賴因為我所以講大話)
我真係好嬲好嬲
即刻就唔再理佢
就算生日都叫佢唔好送禮物比我
之後佢就周圍同人講我嬲左佢
搞到個個都以為我好小器
因為d咁嘅事而嬲佢
有d人仲要我同佢道歉
其實佢地根本唔知
平時佢對我已經係"有事鍾無艷,無事夏迎春"
好似食lunch咁
佢平時一直都同第二班人食
我都冇迫佢同我食呀
間唔中我問佢可以同我食返次
佢居然答我:"唔得,如果同你食另外個班人就唔理我架啦"
我聽到真係好唔開心
但係我又唔想失去一個好朋友
我忍
放學個時
我叫佢同我一齊返屋企
佢又答同一樣嘅野:"唔得,如果同你返另外個班人就唔理我架啦"
直到有一次
班人有野做,唔返屋企住,佢又要早d返
先叫我同佢一齊返
我忍
又有一次
我同佢一班人去海洋公園玩哈佬喂
玩過嘅人都知d鬼屋要排成個鐘架啦
排個時我同一個fd幫佢地排住先
佢地就去玩過山車
過左半個鐘之後
佢番左黎,同個fd接班
我怕佢悶,所以留係到陪佢
係成個排嘅過程中,佢不斷抱怨要排好耐
我個時已經好嬲好嬲
點解佢只係排左半個鐘,就咁多聲氣
我排左成個鐘呀!
有冇理過我感受架
我冇出聲話佢
我都忍得到
但係今次實在忍無可忍
明明有d野答應左我
但係居然唔守信用不特止
仲要呃我
比我發現完之後就賴我放學冇陪佢
大佬呀,我一早同你講左我放學約左人架啦
搞到我真係好嬲好嬲
根本冇當我係佢朋友
你地話
係佢錯定係我錯?