邊支鏡頭好？

✔ 最佳答案

以下網頁有兩支鏡頭既測試.麻煩在Nikon一欄內找.
http://www.photozone.de/all-tests
解像度方面Tamron會好小小,角位解像度比Sigma優勝.
不過Tamron呢支鏡有個最大缺點係對焦面不是平面而是孤形.影平面嘢分分鐘要收二至三級光圈先夠景深,否則角位會好散.
Sigma則沒有這個問題,而且Sigma有1:3放大率,Tamron只有1:4.5.
我會建議Tamron 17-50mm f2.8,真係要影平面嘢(多數都係文件等近攝問題最大),最多收光圈,用腳架.微距亦可以用真正微距鏡.而且Tamron比較平.
至於除咗標準鏡,仲要配甚麼鏡先至叫做夠用真係好難講.如果你乜都要影,咁起碼仲要買中焦距,長焦距,超廣角,魚眼,微距,大光圈定焦等等,而每一樣其實仲可以細分用途,要買晒跟本唔實際.只可以就自己需要揀來買.
如果你冇特別偏好,建議你唔好買住,先用下支標準變焦鏡,睇下自己有邊方面覺得不足先加鏡頭.否則只為買齊而買,有機會其實唔多需要而長放防潮箱.

回答 (1)