巴士問題....請巴士迷必答 20分!

2009-03-01 7:18 am

✔ 最佳答案

唔係巴士迷都答得下話???

1. 巴士公司派車原則係使用最高載客效率既車行走, 盡量服務最多數量乘客既需求, 然而香港地理環境特殊, 相比其他國家地區既橫街窄巷都要多, 所以巴士公司購買最大型車輛既同時, 需要另外購買長度較短既車輛, 服務有需要既地區.

車身顏色只係巴士公司自身決定, 屬於乜顏色都好, 一樣有長有短; 見到你咁問法, 我估你年紀可能好細......

2. VOLVO同MAN只係製造巴士既底盤, 車身都已經係其他廠商製造, 更何況係座椅?

現時最流行既座椅供應商, 都不離LAZZERINI一類大牌子;

3. 跟據運輸署對專利公共巴士既條款限制, 所有公共巴士既車速都要被鎖定o係70km/h或以下, 而且巴士行走速度係快定係慢, 好大程度受駕駛該部巴士既車長個人習慣影響, 所以, 一架巴士究竟有幾快, 根本毫無意義! 就算係快, 最多都係快一分半分鐘.