我想養兔兔也=)`

其實你列出的用品都夠啦!我養隻兔仔差唔多一年.
我見議你去旺角金魚街買.人會幫你執好所有.
至於抱兔仔,要好小心.首先輕輕摸下佢個頭(兔仔好鐘意),俾
心理準備佢先,否則佢指甲會為你留低恐怖疤痕.再小心咁
抱佢.
籠通常有一個盤,你可以鋪報紙上去,再鋪木康.
教兔仔去廁所好難事,你可以拭下,不過我未成功.
每日放佢出通屋玩一陣的話佢會好開心
祝你可以養到一隻可愛兔仔

要養無咁容易大既兔兔,可以揀侏儒兔,貓貓兔或者獅子兔
呢d係屬於體積細既品種

不過去寵物店(尤其是旺角)買的話,小心會俾人呃
因為細隻既兔仔比較得意同受歡迎
寵物店可能會賣d得個幾月大既兔仔,但係同你講有三個月
個幾月大既兔仔可能未戒奶,唔易養大
如果為兔兔同自己好,可以考慮去兔協領養

而養兔仔最基本既用品有:
兔籠,廁所,飼料盆,飲水樽
毛梳,墊材,草架/草兜

如果d寵物店要你買磨牙石/木
你可以唔買,因為唔係必需既
只要你俾夠草d兔兔食
佢地食草既時候就係磨左牙
又健康又唔會食到d化學物料

仲有佢地可能會叫你買沖涼劑,千祈唔好買!!!!!!!!
其實兔仔好似貓咁
會lam下自己既毛黎清潔自己
沖涼劑係化學物料
兔兔食左落肚會對身體唔好架!!
亦都唔好用水同兔兔沖涼
因為有d兔會怕水,怕風筒聲
而且洗濕左好易冷親
其實兔兔好愛乾淨,佢地會清理自己
間唔中會見到佢地用對手仔自己抹面抹耳仔,好得意!!

教兔仔去廁所
可以將個廁所放o係籠既一個角落
可能兔仔會自己去另一個角落殊殊
咁你可以將個廁所移去o個個角落
放d有佢尿味既墊材落去
到佢認得陣味就會識去廁所殊殊
如果你隻兔仔識去廁所殊殊
就唔洗舖墊材o係籠
而且最好唔好用木糠啦,因為濕左會變粉
兔兔吸左d粉就唔好,可以考慮買紙貓砂

如果想買溜兔繩,o係多數寵物店都會有
eg.q-pet,十幾-幾十蚊不等

抱兔仔應該用一隻手捧住佢petpet,等佢有安全感
然後另一隻手托住佢兩隻手/格甩底
千祈唔好捉實佢個肚
你諗下你俾人攔腰qu實個肚都唔舒服,兔仔都一樣

我見到樓上有人話餵兔仔食蔬菜
無錯,多數兔兔都好鍾意
不過如果你隻兔仔未夠半歲就儘量唔好喇
因為bb兔既腸胃唔好
食生菜/濕既菜好易肚痾
等兔兔一歲大先餵蔬菜啦

如果你真係想養兔仔
可以去呢個網睇下新手要注意d乜野
我都係o係o個度學識好多野
希望你都會揀到隻健康可愛既兔仔
http://mini-house.info/index.php

岩岩由寵物店帶返屋企ga兔兔,因未習慣你ga生活環境而覺得好緊張;所以,兔兔返屋企前,必先為兔兔準備一個清潔安靜ga籠俾兔兔.

籠ga選擇: 因為兔兔大部份時間係籠到,兔兔所住ga籠越大越好,最好係兔兔體型ga三倍.除左有主人係到先可以俾佢出黎運動同玩,而兔兔最少ga活動時間大約三十至六十分鐘。

兔兔同其他動物一樣,都要吸收一定ga水份. 而兔兔吸收水份有兩個途徑:
1)飲水,
2)食新鮮蔬菜.
所以,每日都要俾佢飲適量ga水,重要確保每日24小時有新鮮食水供應.
兔兔所飲ga水一定要煮過,蒸餾水或礦泉水都一樣可以.一般兔兔ga飲水量約每日100ml/1kg. 俾兔兔飲水戈時,如果係用碗或者碟裝水,就好容易俾兔兔打翻,整濕身體或者木槺而病;最好係使用飲水器,不單只方便換水,都可以保持籠乾淨整潔.

兔兔除左食乾糧之外,都好中意食新鮮蔬菜;新鮮蔬菜係兔兔吸收水份ga第二途徑,(但須一歲以上)都係吸收維他命ga主要來源.所以可以俾1-2碗ga新鮮蔬菜俾兔兔.例如:紅蘿蔔,西蘭花,唐生

菜,青瓜,四季豆,菠菜同菜心等新鮮蔬菜.但餵之前必定先清洗乾淨,同埋確保蔬菜新鮮;如果蔬菜經冷凍,請確保蔬菜完全解凍再清洗乾淨後先可以餵兔兔.切記唔好俾兔兔食罐頭或者經煮熟ga蔬菜.


兔兔ga主要食物有乾草同乾糧.任何時間,你可以提供乾草(唔係草磚).

而乾草種類有好多,最常見ga有Alfalfa hay(苜蓿草),Timothy hay(提摩太草)同Oat hay(牧草). Alfalfa hay營養成份高,適合兔仔食用;Timothy hay纖維成份高,適合一般成年兔食用. 除左乾草之外

乾糧對兔兔黎講都係必要ga,市面上已經有好多現成ga兔仔糧供選擇,兔仔糧入邊已經包含左好多兔兔所需要ga營養,維他命同礦物質俾兔兔吸收.


剪甲:照顧兔兔戈時,剪指甲係必須要做ga.因為兔兔ga指甲係會不停咁生長,

而養係室內ga兔兔好少有機會將指甲磨平,所以就要幫佢修剪一下指甲.兔兔ga前肢有五隻手指,後肢有 四隻腳指. 幫兔兔剪指甲ga方法係首先將兔兔放係你ga膝頭上邊

然後用小動物專用ga指甲鉗幫佢逐隻指甲修剪,不過剪戈時要小心,以免剪到血管.通常大約一至兩個月就應幫佢剪指甲一次

換毛:兔兔係會用舌頭舔自己ga身體作清潔,但由於兔兔係會唔停咁換毛,所以最少隔日就要用小動物梳幫佢梳走d死毛,免得毛毛到處飛

兔兔換毛係有分季節性同時間性ga,係每年春季ga三至四月同秋季ga九至十月,都是兔兔換毛ga季節,除此之外,當兔兔係出世後三十至一百日同四至六個月大戈時,都會有換毛ga 情況.

一般黎講兔兔會幫自己整理到好乾淨，除非病肚痾（呢個時候更加唔適合沖）。3個月以內ga兔兔盡可能唔好沖涼（太細抵抗力弱），重有冬天最好唔好沖涼（容易凍親），乾洗粉唔建議用（有好多致死ga案例）。


食物禁忌

　　應該注意ga食物：粟米同花生如果唔新鮮，容易產生一種黃曲霉ga有毒物質，所以只可以餵新鮮ga。另外薯仔ga芽含有毒素，應該特別小心。

　　唔可以餵ga食物：刺激性強ga蔬菜唔可以喂兔兔，好似洋蔥、韭菜、大蒜等。此外，朱古力容易引起食物中毒，所以應該絕對避免餵食。

重有餵蔬菜戈時一定要洗乾淨之後再整乾晒水再喂。

2009-03-01 14:36:44 補充：
紅蘿蔔

旺角通菜街
189-191號 地下
電話: (852) 2393 3869

有售: 貓狗，龍貓，雀鳥，
倉鼠，水族(淡水)，兔
各類寵物食糧，用品
專業寵物美容中心

營運時間: 星期一至五:
12:00-21:50