工傷索賞(請幫幫我，好急！！)

我係一間智障人士宿舍做pw，因某學員經常出現情緒，會打職員，所以每當遇到這種情況，而安撫過學員後，都沒有太大作用，就會由護理組決定是否需要給他鎮靜劑，讓他情緒平靜一點。而這學員吃藥後，都會表現全身無力，昏昏欲睡。當出現這情況時，當值社工，或者護理組既同事，都會批准學員上床休息，或者坐寧緒椅休息。

在08年10月，該學員持續幾天情緒不穩，已打了幾天職員，所以最後護理組既同事比左一粒鎮靜劑及一粒傷風藥佢食，食藥後就出現全身無力，昏昏欲睡。

當時我已經邀請學員坐寧緒椅休息，但他拒絕，堅持企起身，而我和當值社工商量後，決定通知護理組，由她們決定是否可以上床休息，順便拿返啤牌比個學員(學員既愛好)，期望可以哄佢坐低。所以，最後我入左office通知護理組(當時連埋我，另有3個職員都聽到我們的對話)，但未等到護理組既回應，我老闆就拒絕比學員上床休息，當時我已經清楚講出學員，已經全身無力、好迷，又唔肯坐，我好驚佢會跌到，但我老闆未有出去，睇過該學員的情況，仍然決定唔批准他上床休息，叫我哄佢坐寧緒椅，原因係而家唔係上床休息既時間，而護理組一直都未有作出任何回應，最後我只有出返去，當我去返去時，已見到學員，全身無力咁”捱”落一個同事身上，一齊企係洗衣房門口，而學員一拿返啤牌後，就行前往飯堂，由於學員本身已經行動不便，加上食左藥，我害怕他會跌到，所以一直在他身邊旁住他，但3-4步後，佢成個人向前傾，壓在我身上，我一個人托住他(他有190lbs)，當時我未有意識自己已經受傷，所以其後再和同事托他上寧緒椅休息，因得我們兩個人在場，大約10分鐘後，我開始感到痛楚，左腳無力，所以我立即往聯合醫院睇醫生，照x光後，醫生話骨無問題，左腳無力，大約2-3日就會無，比左我3 日工傷。但過左3 日，我仍然痛，同埋左腳無力，感到好害怕，所以立即往法國醫院睇骨科，最後醫生話我好嚴重，要我入院，做一連串既物理治療，同埋經過磁力共振，結果話我L4-L5錐間盤移位，做左9日物理治療都無效，最後需做手術。而家09年2月，我仍然放緊工傷，醫生話距離我返工既時間，仲有一段日子，公司已經幫我報左工傷，同埋出緊4/5人工比我。

我既問題係：

1.我係合約員工，到09年5月，合約到期，老闆已經暗示唔會續我，理由係，因為我放左工傷，佢睇唔到我既表現，所以續我會有困難，我知道公司唔續我係可以，因為佢唔係解僱我，公司仍然要比4/5我，但只係比到180日後，之後就係2/3，但係如果佢續左我，我就有機會試工，如果真係唔得，我都可以拿返4/5，但我連這個機會都無，同埋，我搵唔到野做咁點，我覺得好無保障，好擔心，由知道公司可能唔會續我，我已經無一晚訓得好，因為我係要養家，同埋，由出事到而家，日日係屋企，訓、坐、行同企都唔得耐，覺得自己好似廢人咁，我就黎痴線，咁我可以點做？
2.根據事件經過，我可否索賞公司疏忽賠償？成數有幾高？或者其他咩賠償？如果可以我又可以點做？

我知道我既問題係長左，但希望大家可以幫一幫我，麻煩哂！！