中年人士轉行做會計, 可行嗎 ?

金融海嘯下會計行業都有受影響. 先講會計文員, 有些公司已經將會計文員工作北移, 有些公司會要求一個人做幾個人工作, 但人工照舊(或者更少).
會計師樓情況也不好過. 大會計師樓已經炒左一大批人, 市場上已經有大批有Big4經驗的人, 有些會去中小型會計師樓工作. 仲有要留意, 中小型會計師樓最低學歷要求都要會計HD/Dip.畢業, Big4就要大學畢業.
如果想去上市公司做會計中至高級職位, 規模比較大的公司通常要大學畢業、考到會計師牌加有Big4經驗的人. 細規模的上市公司會請有中小型會計的人做會計人員.
尤其你中年轉行要考慮得更清楚. 人地會唔會請個咁上下年紀, 仲要係無相關工作經驗既人做野? 你去jobsdb search account clerk, 睇下幾多工要有經驗. 我之前在某律師樓做過會計文員, 我走之後的確有請一個中年人士做會計文員, 但人地有律師樓做會計文員經驗.
好多人以為會計好好景, 走去讀會計, 香港已經愈來愈多人讀會計, 當中不乏高學歷人士. 入到去做又要慨嘆有苦自己知, 所以睇多D人地分享先決定是否轉行.

2009-03-04 08:40:15 補充：
Big4=四大會計師樓, 就是以下四間:

Deloitte Touche Tohmatsu 德勤關黃陳方會計師行 (Delo, DTT)
Ernst & Young 安永會計師事務所 (EY)
KPMG 畢馬威會計師事務所 (KP, KPMG)
PricewaterhouseCoopers 羅兵咸永道會計師事務所 (內地稱普華永道會計師事務所) (PWC, 水房,水記)

如果想考牌做會計師, 甚至將來想去audit firm工作, Big4係邊四間是不可不知.

2009-03-04 08:43:37 補充：
仲有, 由零開始讀要花好多時間讀書考試考會計師牌, 而且會計唔係容易讀, 再加上人到中年, 你真係要諗清楚應否行會計呢條路.

會計行業的行頭好差，Big 4 走咗唔少人，去咗D細行。太多人爭。