男朋友疑心非常大，好辛苦

今年23歲，與同年男朋友拍拖七個月。
有少少好笑，因為我成日都覺得好似男女角色調轉左:
我對佢百分百信任，而佢，無時無刻都懷疑我。


佢經常懷疑我同其他男仔傾電話﹑去街，好擔心我會被其他人哄到﹑感動到而離開佢。
為左呢樣野，我地成日嘈，有時嚴重到2日嘈一次。
我嘗試體諒佢，因為佢比之前個ex呃過，呃得好勁，好傷，
但有時太過火了，我自己都好辛苦。


由認識的時候開始，我地已經係每晚傾電話，十一點倒開始傾到1﹑2點咁；

有時我放工好累，或者病左唔舒服，想早d訓，12點話要訓，佢就會問我，「係咪約左人傾電話呀？」；

傾電話時用電腦，有d mouse 聲﹑打字聲，佢又會即刻問，『你又同邊個msn緊？」
成日都係咁…


當我約朋友去街，或者公司有事要出街(我份工成日有突發事，會好突然要出site)，佢又會話，「係咪真架？定係你約左男仔？」


因為佢呢d疑心，我連朋友都少約左好多；但有時又覺得，無理由為左咁樣而放棄我的朋友。
對住佢，我軟又試了，會tum佢嗲佢，解釋佢知我係同邊個出街，比佢check我電話；硬又試過了，發脾氣鬧交叫佢check我電話單record﹑msn record。
做齊哂，情況一路都無改善。


我好嬲，覺得佢根本唔信任我，我唔係佢ex果d咁0既水性揚花0既女人!!!!!
又好辛苦，覺得無乜空間，"cool"得好緊...........


好似禽晚咁，我約個男仔朋友食飯，真係只係朋友，都大半年無見過了；佢就勁呷醋，發脾氣；我已經同佢解釋左十九幾次...............始終我唔可能無朋友架？！
但我都忍了，KEEP住食飯食不斷SMS佢，食飯後都係咁打比佢...........;都係想佢知，就算我同緊朋友一齊，都係掛住佢的。


到傾電話時間，成一個半鐘頭，佢全程唔出聲，我輕鬆地講左一D野佢又唔點應我，咁到後來我無癮，都唔出聲了; 佢就問我，「你同人地就咁多野講，同我就無野講？」『呢排都係咁，你係咪晚晚同人傾電話？唔想同我講野？」


到底我應該點做？真係覺得好辛苦........
我對得住佢，對得住自己，問心真係無對其他人有任何意思…到底點先可以令佢信任我？
我應該點樣解決呢個問題？
請大家過來人比d意見........thanks!!!!