有關解夢~(回廣告的勿入)

我發左一個夢，想大家幫手俾d意見。
夢係26/2發既‧．．
夢到我同我男朋友同一個自殺過身2日度既朋友去街(文中將用B代替)，個夢有兩part可惜我已經唔記得先後，淨係記得係夢入面過左兩日既時間。

part 1(地點係好似屋村既地方)
一開始就係同埋哩個朋友一齊去買煙(我地三個都食煙)，之後就行路去巴士站等車，仲有幾步到巴士站我見到有間賣豬腸粉、燒賣同魚蛋既小食店，我就話好想食，跟住男朋友話我為食，B就話好，因為佢都想食，點知準備行去買果陣，B就好緊張咁話"哎呀~有車喇~唔好買~快D上車"，之後我地跑去上車(男朋友拖住我，B係我地兩個後面)，B好大聲同我男朋友講"唔好咁(菇)寒呀~俾2蚊喇"(記得係綠頂，每個人$1.6)，上到車我男朋友入左4蚊，但係我即刻發現B無上車，問我男朋友做咩佢唔上車，跟住男朋友對住我笑，我feel到佢笑我無記性，跟住我話"係喎~唔記得添~"，之後我地兩個好開心咁同無上車既B揮手講BYEBYE，跟住問男朋友點解B叫你要俾2蚊，男朋友話我"因為俾2蚊司機就會知我地同係車度既其他人唔同~"，跟住我望下D人，見到D人個個都係DUP低左頭同灰灰地色，之後我就"哦~"左一聲。

part 2(地點係一個好似展覽會咁既地方，感覺上所有野都灰灰地色)
一開始我地三個係個展覽會度周圍睇，有音響同質地好似布丁既野(感覺上係床，大概單人床大小)，仲有好多其他野(因為我地三個對果張應該係床既野好有興趣睇左好耐，所以特別記得，而音響係B好鍾意既野，記得佢睇左好耐)，跟住睇完出黎之後佢就同我地講"好喇~你地快D返去喇~我要走喇~"，我同男朋友就好唔捨得咁同佢講BYEBYE就走，我地一路行一路回頭，見到佢同我地揮手講BYEBYE。

註：我同男朋友講返既時候，佢話B之前提過想同我地去太空館玩下(因為我地睇完個展覽會之後，講BYEBYE既地方非常似尖沙咀海旁)

我想請問識解夢既網友，哩個夢有無咩特別意思？
會唔會係哩位朋友有野唔放心想交帶俾我？
請幫幫忙。