在有冷氣的地方做運動成效會否小一點?

原則上，只要你係落力做運動，有無冷氣都一樣有效的，正如無論夏天定冬天做運動，都一樣咁好。

其實，好多人會誤會以為 "出汗就係運動"，或 "唔出汗就等於無運動"，這個不大正確的。

因為做運動夠唔夠，係要睇返你的心跳率，有效的運動，心跳率必然大為提高，而且因為會產生熱量，所以就會同時出汗。所以會有錯覺以為 "出汗就係運動"，或 "唔出汗就等於無運動"。

至於身陳代謝率亦係同一個原理：只要你做運動夠甘，心跳率夠高的話，就能夠提升陳代謝率，跟出汗沒直接關係的。

幾乎所有運動都會提升新陳代謝率的，缺氧運動（例如舉重／做ｇｙｍ）亦然。呢個係由於任何的運動都要需要消耗能量，而越要求高／越辛苦的活動，就需要越多能量，為了要應付呢ｄ活動，身體會自行調節，提升新陳代謝率，藉以提供更多能量了。

不過，最有效提升新陳代謝率的，當然是帶氧運動了。不過要留意，無論做邊種帶氧運動 (跑步 / 游水 / 踩單車等)，要有效減肥就一定每次做夠 30 分鐘或以上，每週起碼做 2-3 次；如果就唔夠時間 (例如只做 15 分鐘)，或唔夠密 (一星期只做一次)，咁減肥功效就不足了。

當然，響冷氣場所做運動係舒服好多；不過相反來講，如果想鍛鍊鬥志的話，太舒適的環境就無你個效果了，而且出汗能夠促進皮膚排出廢物，有助皮膚健康同靚 d，這又是額外的好處，但跟陳代謝率或減肥等無關的。