薑醋點樣煲架?

其實35週就要開始煲薑醋，但頭一胎很少比預期早，薑皮煲薑水沖涼洗手可以袪風，散胎毒，由於係十二朝開始至有親戚黎食，所以生前30日煲就ok，薑唔怕浸得耐，越耐越好食，但其他豬手呀旦呀，咪得生完至慢慢整lor。samsonnie_tam / andykst2004
其實你可找家務通幫手，電話 23174567，她一邊煲妳可一邊偷師，你也可到八珍配但比較貴，只接受香港本地訂購，確保新鮮。
九龍及新界地區請致電旺角總店：23948777
港島地區請致電筲箕灣分店： 25692296
將為你提供送貨服務 (離島除外)
另可跟以下食譜做
材料(十人份量)：十斤(4.8公升)八珍甜醋，五斤去皮生薑，兩隻豬腳 (亦可選用質地較柔嫩的豬手)，斬開約八至十件，熟去殼雞蛋十隻，一斤八珍黑糯米醋，
做法：產前一個月，預先將甜醋及生薑放入瓦煲內大火煮兩小時，每隔一星期煲滾一次，以免細箘及霉箘滋生，派送前二至三日，把豬手豬腳放入滾水中飛水去油及沖洗乾淨，把豬手豬腳放入已預備好的薑醋中煮滾，以慢火煲豬手豬腳至腍熟，加入八珍黑糯米醋稀釋及增加鮮味，下雞蛋再煲十分鐘，即可趁熱享用。
豬手：豬腳(喜歡吃肉的，可以買豬手)預先斬件，放入滾水中出水，再用清水洗乾淨，撈出黎風乾(全部落煲既野都要先風乾，唔係會溝淡晒d醋)，吹大概大半日，放入鐵鑊內加適量生油爆香與薑一齊放入瓦煲內，放入甜醋浸過生薑和豬手，開火煲至醋滾，便可原煲離火。豬手浸得太耐會溶，就算撈起，都散收收唔好睇，加落醋度個煲會無咩位，將d薑豬手同埋醋排過位lor。
薑的處理：將薑去皮洗淨，吹1天然後拍鬆，一般用菜刀拍1或2次有裂紋就得，用鑊炒加幾粒鹽炒，再放少少油用鑊爆，要不斷反覆炒，以避免烘焦，有少少金黃便可，用意抽乾水份，煲笫1次時不要大火，利用文火煲至沸關火，焗2至3次才好味。
蛋的處理 : 如喜歡吃硬蛋，要早一些落，最少跟薑煲兩三次，因愈浸得耐，d蛋愈硬，如吃普通醋蛋，則吃之前一日放便可。
薑醋對產婦的好處
產婦產後即時可以飲用薑醋，薑醋對產婦身體早日康復，尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用；豬腳含有大量鈣質，而薑醋可以將之軟化、有助產婦補充失去的鈣質。而雞蛋含有八種人體必需的氨基酸，多種礦物質和維他命等多種成分，對產婦身體補益大有好處。

薑醋
料: 老薑 ｌ斤

甜醋 1000ml

黑米醋 200ml

豬腳 / 豬手 1隻

雞蛋 7隻
烹調步驟:

(1) 老畺用刀刮去薑皮, 放入密實袋內輕輕拍扁至裂開, 放白鑊內用中火烘乾

(2) 煮滾甜醋, 黑米醋, 放入老薑煮滾, 轉慢火煲約一小時

(3) 雞蛋烚熟去殼備用

(4) 豬腳 / 豬手洗淨斬件, 用水煮約半小時, 用凍水沖乾淨, 抹乾備用

(5) 大火滾醋, 放下豬手煲滾, 下雞蛋滾起, 轉慢火煲約2小時

(6) 再煲滾即可

薑醋


薑醋的做法:

材料:
薑
雞蛋
豬腳 (豬手比較多肉,但D肉比較"鞋"同實)
甜醋 (甜醋和黑糯米醋為10:1)


1). 將薑洗淨, 去皮 (將皮放於太陽下晒至乾身,用報紙包好, 放進雪櫃, 用作坐月煲水沖涼洗頭用)

2). 將薑放於太陽下晒至乾身

3). 之後用刀將薑輕輕拍扁, (少少裂開就可以, 比較容易入味)

4). 將薑落鑊, 不用加油, 用慢火炒至乾身, 見少少燶就可以

5). 將薑加甜醋, 不要加水, 用中火煲滾, 息火, 放置一邊備用, 不用放進雪櫃

6). 隔日重覆煲滾動作, 至薑"林"為止,

7). 如喜歡食較硬的蛋, 可於煲薑一兩次後加蛋, 相反, 喜歡食較"林"的蛋, 可遲D加 (加蛋程序: 先將蛋烚熟, 去殼, 加入薑醋用中火煲滾, 息火, 放置一邊備用, 不用放進雪櫃, 隔日重覆煲滾動作)

8). 豬腳於BB出生後先加入薑醋, 因豬腳好快"林", 煲兩三次就"林", 所以不用太早煲

9). 煲豬腳程序:

a) 先將豬腳飛水, 洗淨, "晾"乾水,
b) 將豬腳落鑊, 不用加油, 用慢火炒至乾身, 見少少燶就可以
c) 將豬腳加入薑醋用中火煲滾, 息火, 放置一邊留用, 不用放進雪櫃
d) 每日重覆煲滾動作 (唔夠甜醋, 就要加醋)
e) 煲兩三次後, D豬腳就"林", 可食用

***當豬腳煲"林"後, 不宜再煲滾, 因為再煲, D豬腳就會溶化入薑醋,
所以適宜食幾多, 蒸幾多.

****記得第一煲薑醋是最有營養最補的, 如要送給朋友食, 就要將第一煲薑醋約分三分一出來. 三分二留給孕婦食用, 另三分一就可不斷加蛋及豬腳送給朋友食

***蛋及豬腳可不斷加, 但薑就不可以加,
因為薑要較長時間煲"林", 否則不好食

***唔夠甜醋, 就要不斷加醋, 不要加水