我隻狗狗係咪有狗瘟呀???

你好呀..其實001 已經講得好岩..但我都想補充一下

我自己隻狗狗買左個幾月咋, 又係好似你果隻咁, 一番來就咳..
有時仲會咳到好似想嘔咁..
睇住佢咳得好辛苦, 搞到自己都想喊..
所以好明白你緊張既心情..

之後我拎左隻狗去睇獸醫, 埋單480...
個獸醫又係開左你果隻藥俾我隻狗狗..
但係佢有d 補充係依家隻狗隻仲好細, 一定要引到佢食野增加抵抗力..同埋俾浸糧佢等佢容易d 吞食物。
接住果排我都俾番d 浸糧+狗罐頭, 果排就食好多野..過左幾日終於冇晒咳咳好番晒。

狗狗如果有狗瘟, d 便便會唔正常(肚仔痾咁), 嚴重既仲會痾血。
而且你要keep 住留意佢個鼻, 有冇d 黃黃綠綠既鼻涕 (透明鼻水就係正常)

之前天氣成日變, 你最好俾個暖少少, 溫度變化唔係咁大既環境俾狗狗休息。佢想訓果陣就俾佢訓多d 喇, 小狗雖然好懶玩, 但其實佢係好需要休息ga。

如果你真係好擔心佢有狗瘟, 你去幫佢驗血check 啦, 好快就知結果, 但係得80% 準確性咋。

九龍區既獸醫我淨係識依間咋..風評幾好, 我打算之後帶狗仔去果度 desex..不過預約時間就耐d 了

非牟利獸醫診所
http://www.npv.org.hk/content.asp

如果你仲係好擔心既話, 我會好樂意同你分享..
[email protected]

2009-02-26 10:49:46 補充：
夜晚重有一兩聲咳, 佢一咳我就驚, 因為上網睇得太多講狗瘟既病徵喇...

a: (我果隻果陣係咳得好勁...你唔洗太擔心ga, 睇定d 先..)

如果狗狗只係有一兩聲咳, 好少好少鼻水, 少少眼膠(其實係咪所有狗都有架?),

a: (眼膠..我果隻係多到日日同佢清架...少少眼膠係正常)

玩果陣心跳跳快d, 重成日圍住自己跑 (我真係唔知佢係玩緊定係所謂既抽搐?!)

a: 玩果陣當然係心跳快, 不過佢未病好就唔好同佢玩得太激喇..圍住自己跑, 係咪追自己條尾玩呀? 仲跑到應該唔係抽搐wor..

你好..我之前都係咁..買左隻狗番黎.都係咁咳..仲有鼻水
之後我即刻帶佢睇E生 E生話佢係氣管炎(狗房咳).. 跟住就比左D化痰.止咳.維他命比佢食..
之後我上網CHECK 狗房咳 呢個病其實初期冇咩野 .. 通常你唔理佢 佢會2~3星期好番 不過比佢食藥佢會咳得冇咁辛苦LOR..
但如果嚴重GE話會引至肺炎..如果佢咳得愈黎愈西利你就要睇下佢有冇肺炎啦..
祝你GE狗狗早日好番..
PS: 有種狗瘟測試紙 好似驗孕棒咁 $4X 你可以買黎試下.. 或者可以去E生度驗血..不過就百幾蚊 ..狗瘟有2星期潛服期 ..你2星期後先測啦 同埋如果你GE狗狗好精神.冇痾 冇嘔..咁你大可放心!

http://petservice88.mysinablog.com/index.php?op=ViewArticle&articleId=1265689增強狗狗免疫力可有效對抗狗瘟，當然狗狗食多d有益食物也有幫助，可以俾佢食呢隻omega3，可減少眼膠

其實狗瘟初期係同一般傷風感冒好似,所以大多數主人會唔覺
正常黎講狗狗係唔會無啦啦咳ga,而且多數主人見狗狗有問題會俾返寵物店醫or住幾日,反而唔好,因為寵物店有時用一d藥物令到狗狗好精神冇事咁樣
同埋戈到實在太多其他狗,難保佢唔會有其他狗有事,而且狗仔2個月大dd呢斷時間好易感染到呢d病
其實我都覺戈位醫生有d問題,狗瘟係可以驗,冇理由唔清唔楚咁
而狗瘟有感冒症狀之外重會痾同嘔,如果想係比較好ga地方帶狗狗去睇
建議去九龍區ga愛護動物協會 九龍公主道105號(何文田愛文村油站格離)

電話:(852)2713 9104(可以預約左先)
開8點半-5點 星期6同日休息 可以帶狗仔去睇下,戈到唔會為左錢而誇大
安全起見,先去戈到同狗狗檢查左狗瘟,同腸病毒呢d先