我隻狗狗係咪有狗瘟呀???

上星期五我嚮何文田pet shop買左隻2個月大d既貴婦女,

見佢好得意好精神於是就即刻買左返屋企喇,

狗狗夜晚果陣有幾聲咳, 開頭無乜為意, 但第二朝都重係咁, 重有鼻水添...

於是我就打返去pet shop度, 佢地叫我帶返狗狗返去住幾日,

可能係佢重細, 凍親, 又唔適應陌生環境, 所以我第二朝一早又帶返佢去喇,


過左5日, 即係今日, 實在太掛住狗狗喇, 打電話去pet shop, 佢地話唔覺狗狗有事,

叫我可以隨時帶佢返屋企, 咁我咪去囉,

接完狗狗, 佢超精神好似乜事都無咁, 但我都係擔心佢有事, 所以都係去睇左次醫生


去左梳椏度間診所, 見有好多人話呢間好, 睇個泰國女醫生, 起初我都唔覺,

唔知佢用咩方法, 按落狗狗喉嚨度, 狗狗不停咳, 我見到都嚇親, 個心勁痛,

根住同佢傾左陣, 佢了解左狗狗既情況, 話狗狗係重有唔舒服, 嚴重既"可能"係狗瘟, 佢地唔肯定,

但講到好似好恐怖咁, 我唔知係咪所有醫生都係要咁...

我開頭有d反感, 狗狗應該係小事姐邊有咁嚴重, 覺得佢都係為錢姐,

但佢講講下我由body check變左做睇醫生羅左d抗生素走, 埋單由$230變$500,

但如果狗狗真係可以好返我無所謂架! 我唔知呢個醫生係想大我, 定係佢真係有果句講果句啦...


返到屋企, 食左藥, 睇清楚d藥只係"抗生素+化痰+擴張氣管+維他命", 算啦我都係想抗狗狗好,

夜晚重有一兩聲咳, 佢一咳我就驚, 因為上網睇得太多講狗瘟既病徵喇...

如果狗狗只係有一兩聲咳, 好少好少鼻水, 少少眼膠(其實係咪所有狗都有架?),

玩果陣心跳跳快d, 重成日圍住自己跑 (我真係唔知佢係玩緊定係所謂既抽搐?!)



咁係正常丫? 凍親傷風丫? 定係狗瘟呢?

我有無需要再帶佢去睇醫生/檢查呢???

另外重有無又平又好既醫生介紹? 最好九龍區!

thx a lot!!!



希望狗狗早日康復啦!!!!!