結婚2年, 有個20個月0既仔仔, 現馱住8個半月0既bb, 近月發現有某個電話號碼打來搵我老公時, 我在的時候, 他不會接, 但到行開行埋的時候才回覆. 己肯定這是一個女子的號碼. 每天也有1-3次的通電 (星期六, 日, 假期則很少聯絡), 每次對話由數十秒到數分鍾不等, 平均一星期總有一次10數分鐘的對話.sms則每天1-3個左右. sms記錄會即時刪除, 電話記錄則會保留. (但最近開始會del在深夜打出的電話記錄 <我曾講笑的提過佢出面有妹妹仔> -- 因老公平時負責放狗, 每晚11-12點會帶狗狗外出玩約1個鐘或有時佢同d fd飲野, 返家途中又會打電話或sms 呢個人)
情人節前兩日老公同我講過13號晚要開通宵工,我聽完扮無野問左几句, 其實有懷疑, 個腦己經諗埋好多好多野 (佢地去慶祝.....), 隔日我輕輕地問佢你會唔會去陪第個女人架? 佢就話我真係好想像力, 然後我無再追問, 當講笑算數. 到13號個日, 佢下午打比我話壞消息係今晚唔洗開工嘞, D貨扣關, 可能要聽日先有得做. 個晚發現佢打比我講呢番說話時, 其實之前同緊呢個女子通電, 然後即刻打比我, 同我講完後又即刻打番比人.到14號, 我打電話比佢老板(因佢話老板即接交帶佢做呢單野其他人唔知, 平時我同佢老板都有几句, 於是用d方法打聽之下知道佢嗰日可以下午就收工,我聽完後其實好唔開心, 但就睇下今晚會發生咩事. 佢後來3, 4點己經返到屋企, 夜晚同我地去食飯慶祝 (連嫲嫲&姑媽), 然後大概10點先話比我聽佢今晚都唔洗開工嘞, 可能要等到下星期 ........... 但我check番, 13號晚至14號嗰日佢又無同個女人聯落過. 14號晚佢只係放狗時sms過佢, 但個女人無覆到..... 所以我都唔知點解無拉拉會話嗰晚唔洗開工 (應該唔會係老板講, 因為老板應承左我唔會扮唔知).
我老公係一個人緣好好0既人, 無論男女老少都好鍾意佢, 所以佢好多朋友, 一星期數晚出去食飯飲野我都ok,因為佢都几節制, 好似上面講0既情況就未試過, 但我好爭扎, 因我唔想誤會佢, 唔想佢講野我會諗好多負面野或者懷疑佢有無講大話, 但亦唔想則問佢, 因為唔想加添佢0既煩惱 (宜家得佢一個人養家,頗吃力,佢都從未有過一句怨言, 有d野佢會唔敢話我聽驚我担心), 以下几點請幫忙分析會否我諗得太多 :
1. 老公仍很鍚我和個仔, 好肯花時間同心機同個仔玩.
2. 和以前一樣仍保持1星期只有1-2晚外出食飯或飲野,餘下日子則放工回家, 星期六日及假期一定會陪我地或開車同我,阿仔,阿嫲同狗狗出去玩.
3. 好鍚我屋企人, 食飯或做節永無托手爭. 仲會準備小小買餸錢比我阿爸阿媽.
4. 如果就得到, 會管接管送, 尤期我宜家大緊肚 (3月預產期), 有時都覺佢趕頭趕命.
5. 仍然會放全家幅係銀包, 手機全家幅會不時更新, 前日仲晒左d相, 諗住擺係架車入面. (我無要求的)
6. 因上年開始我無返工, 年尾我生日同結婚周年, 佢會特登放假陪我同阿仔. (佢份工係自己工, 唔返1日就無錢的)
7. 沒有特別將手機收埋或唔比我掂.有時影左阿仔d相或video, 我都可以攞黎睇.
8. 佢平時都習慣隔1-2日便清空所有sms記錄, 或有時不論男女的都會即日del. 因佢有好多交通消息同好執著整齊. (有時唔抵得都會幫我電話清埋)
9. 部份經常聯絡0既男性朋友或工作上需要接觸的公司電話也沒有落名, (不知佢點介定落名唔落名).
10. 每次同呢個女子的通話時間好似唔太長, 但始終唔明點解可以日日通電. 而且大部份係我老公主動打俾佢. (估計是工作上認識的, 初時我都不以為意, 但後來發覺放工後, 晚上或半夜都會通電, 有時會加133, 所以就引起我懷疑)
11. 睇得出佢地d習慣, 尤其夜晚或假期, 會打一個電話响几聲收線或先sms 然後等覆, 唔會不停call.
12. 曾經睇過佢地d漏網sms, 睇落好似無野, 但唔知會唔會因為咁先keep係到無即時del.
13. 最近幫呢個女子買手機, (因我老公識人平), 攞機0既時候佢同我講話幫個朋友0既伙計買, (其實我己經知道佢講大話), 我估佢前日己經係放工時候約6,7點攞左部機比呢個女人, 仲sms左佢個fd d a/c號碼比呢個女人入錢, 之後8點已返到屋企 (可唔可以話佢地無野呢??? 如果有野, 係唔係應該我老公送呢? )
男仕們, 你地是否都可以日日同同一個女仔通几次電話, 會唔會有機會無野變有野架?
多謝晒各位睇到呢到, 我都知其實好長.......有勞各位.
心煩人
更新1:
多謝晒各位. 其實之前我都有同我d男同事傾過 (佢地識我老公,但唔算太熟, 但聽我講得我地相處0既野多) 佢地0既答案都同mchau1888一樣,覺得佢只不過唔想我發現然後亂諗野. 佢地仲話如果老公係出面有野, 會照樣對個仔好, 但唔會對個老婆咁好喎. 唉......所以我都好煩.....驚自己錯怪老公, 但又怕自己被蒙在鼓裡.
