應否相信他.....

我08年10月開始同佢拍拖，佢當時同我講佢9月已經簽左紙離婚，而且同佢太太已經分開住，所以我好放心咁同佢一齊。佢對我真係好好，我地一齊都好開心，真係重來都冇鬧交，而佢亦將所有時間都比哂我 (所以我好有理由相信佢離左婚)，

直至09年1月尾，我收到佢太太ge電話，話佢地根本未離婚，仲一直一齊住。我又係知道左好多大話同真相，例如佢生日同新年都陪住佢太太過，但佢同我講ge就係陪媽媽返大陸，之後關左電話。我仲知道原來佢太太開左個手提no.比佢，但佢長期唔開果個電話的。

當佢知道佢太太打電話比我，佢就挽留我，並不斷解釋佢太太向我揭穿ge大話，又寫左好多封信比我，話會改過，唔再講大話，同埋會同佢太太離婚(但佢太太要佢還返5千蚊同埋比分手費5萬蚊)。最後我原諒佢，信多佢一次，繼續同佢一齊，因為自己都唔捨得佢，佢仲比埋佢太太開ge果個電話no.我 keep.... 我就間唔中聽下佢太太比佢ge留言 ( d留這冇咩特別，有d仲聽得出佢地關係唔好，因為係鬧個男人)。

12月果時，我同佢一齊租左間屋，佢初初晚晚都唔係自己屋企訓，係我地租果間屋過夜，佢就呃屋企人話住公司宿舍，(就算我唔係我地租果間屋企訓，佢都唔願返屋企)，我未知道佢未離婚果時，就話自己住自由D (佢屋企仲有佢媽媽、妹妹同埋佢同前妻生ge仔)
當我知道佢同佢太太仲未離婚，佢太太仲住係佢屋企之後，佢就話唔返去其實係唔想見到佢太太，佢地一見就會鬧交，佢太太仲會打佢。後來佢因為被公司裁員加扣人工，佢冇錢，所以一星期有三晚返屋企訓，食屋企飯，順便陪下個仔，但佢話佢係同太太分開訓。

而佢太太都有再打電話比我，不斷同我講個男人有幾賤，話佢只係想對我騙財騙色，又話自己已經心死，一定會同佢離婚，但要係離婚前玩死佢，要搞大件事，要佢人又冇錢又冇，仲要告佢通姦，問我仲有冇同個男人來往，如果有就一齊上法庭，亦都有提過話個男人返屋企果幾晚都唔係同佢一齊訓。

個男人依家經濟有好大問題，佢1月被公司裁員加扣人工，剛剛找到新工作，但人工比以前少一大折，佢仲要交租(我同佢一齊租果間屋)，自己屋企ge家用，又要還錢比佢太太，仲要買玩具比個仔，佢自己就連食都冇錢，日日食十蚊飯盒。我主動借左d 錢比佢，都有成千幾蚊，佢就成日都話自己冇用要洗我d錢。

另一方面，佢媽媽同妹妹都有比壓力佢，唔想佢離第2次婚，所以其實佢同太太之間已經有問題幾年，佢太太係大陸又同另一個男人曖昧，又成日少少事都鬧交，佢太太仲會打佢，打到佢要入醫院，但因唔想離第2次婚，所以都係鬧完交就算.....

而家，佢承諾大約5月就可以還清果5千蚊比佢老婆，然後同佢離婚。

我應唔應該等到佢5月呢？？？到底佢係咪真心呢？？？我好煩惱... 諗住佢ge事，我無法專心溫書.... 我唔想再比人呃，大家幫我分析下la... 唔該~

其實我好唔開心，因為我第三次拍拖，但我三次都係係不知不覺間做左第三者，都係因為d 男人鐘意講大話!!!