用閃光燈影相,咩叫打跳燈??

這是台灣人的叫法.意思係香港人叫既反射閃光或者打Bounce.即係閃燈不是向前直打,而係將燈頭擺角度射向一啲反光物件例如天花板或者牆身等,將光線反射回主體.當然一定要配合可以擺頭的閃燈或者離機閃燈先可以做到.
咁樣做既好處係可以令光線打散,避免光質太硬,同時陰影會冇咁明顯及改變陰影的方向.所以有人戴鴨咀帽就唔好用天花板做反射.
不過反射閃光會有一些限制,首先就係要搵地方反射,如果四周都好空曠,例如天花板好高,或者四周都冇牆等.
另外要留意反射後的光線會比直出弱,閃燈火力唔夠的話會曝光不足,而且因為要大輸出,回電時間或許會比較長,應因應情況加大光圈,加高感光度或者決定是否使用.
最好要留意反射光線的顏色會受反射物影響,最理想的反射物是白色,否則有可能引起一定程度的偏色.