急急急! 20分! Canon SX100 影夜景

1.影到景影到人
你可以用閃光燈模式內的慢速同步模式,即係slow sync.因為SX100好似係冇夜景人像模式的.仲有記得叫啲人唔一閃完就行開,要等到張相出現先好走,因為閃燈過後其實仍然影緊的.
2.影到景
用夜景模式已經可以.不用開閃光燈


夜晚由於光線暗,用全自動相機會開閃燈並加快快門防手震,背景一定會好黑.用以上兩種方法的話,相機就會加翻長曝光時間,不過手持拍攝的話由於手震關係相就會矇.冇腳架係好難影得好的.你唯有睇下有冇地方放穏部相機.但留意按快門一下動作仍有機會郁到相機,想絶對穏定要用相機的兩秒延遲自拍.
由於不怕手震關係,iso要盡可能低去避免引起雜訊,SX100有iso 80,就用iso 80吧.
用auto的話其實都冇問題,但iso一定唔好用auto,否則相機會以為你冇腳架而幫你推到好高,就會好多雜訊.
對焦方面,由於SX100冇得用手動對焦,如果太暗自動對焦失效的話.唯有搵啲唔好咁黑既地方來對焦避免對焦失誤.如果有電筒就帶支幫下手.
最後可能真係冇地方放相機要完全手持,咁就唯有唔理多唔多雜訊,但求影到,你可以試下設定做iso 1600,用最廣角焦距(即係唔好zoom遠),搵啲嘢借下力就咁手持影,盡量握穏部相機,記得用埋兩秒延遲,相一定會好多雜訊,但矇的機會較小.
M同TV模式建議唔識搞就唔好搞.會暗多數係設定咗太細光圈或者太快快門.