✔ 最佳答案
生命係好寶貴架~希望你唔好咁隨便就話"唔想繼續活下去"的說話。
人係有情緒的,當一個人唔開心,感到絶望的時候,咩說話都講得出,但事情過後,又會後悔。
可能你同你女朋友真係經歷左一d你認為好刻骨銘心的事,到而家要分手,你好傷心難過......
但我成日都有個念頭,就係事出必有因,同埋事情發生左之後,傷心難過一定會有,但最重要的係你點企返起身。你如果咁唔想同你女朋友分手,咁你有無做過一d事係去維持你地之間的感情,究竟係咩事令到你地分手,係咪你做左d咩事令到佢要離開你?
放低一個人最重要係自己的心態,忙~係其中一種令自己忘記的方法,搵多d野做,呢度我係指有健康有益身心的活動等等,或者搵一樣野去取替佢,人或者物品,嗜好等等。每每當出現另一個你愛的人的時候,隨著時間過去,之前戈個可能只會係人生一個中途站。我無話你一定要忘記佢,個腦要記,你想點忘記都忘記唔到,所以唔需要勉強自己去忘記....
成日係度自怨自艾,我覺得無咩用囉,真係搵一d目標比自己仲好,愛情係人生的一部分。人生仲有友情、親情、事業....好多好多的野,希望你唔會忽略其他的部分....
點解要妒忌人呢? 如果你真係認為你女朋友咁好的話,點解你要放手,又點解會令佢對你放手呢? 你可以選擇努力的再去追返佢,但我成日都話,前題係你要再裝備自己,改變自己,比佢見到一個全新的你。何必要去妒忌人,因為今日的結果係你自己造成架,所以而家要點做的都係你自己!
要繼續做down落去,定要重新企起身,全在你一念之差,你自己諗清楚la~唔好怨天尤人la