由最近呢一個月起，佢會係廁所出面痾d白白黃黃結結地既尿(其實我都唔知係咪尿,但一定係佢痾架囉)，放佢出黎佢又會，係籠入面佢都會，但佢之前係識去廁所成個多月，點解冇啦啦又會咁?我媽依家幫佢清潔係倒d”燥”，之後用紙巾抹走佢就算，咁樣會唔會令佢覺得有第二隻味而令佢四圍去廁所?(因為我之前係倒落紙巾到抹架)，
仲有我媽冇啦啦拎走左佢個草兜，就咁放d草係個籠既地下俾佢食，會唔會因為籠入面d野唔同左而令佢又唔識去廁所?
前兩日因為我家姐要去旅行，將佢o個隻兔放左係我到，因為我o個隻係女，佢o個隻男，驚佢地會搞埋一齊，所以就用個梳化”鄧”格開佢地，但係我o個隻由另外o個隻黎到開始，就成日企係到望過去，look到隻眼大一大，我地以為佢係好奇所以冇理，但今日我媽同我講話佢又周圍去廁所，諗住幫佢清潔下點知佢冇啦啦企係到噴尿，係從未試過咁架佢，
我地放佢出黎行下，佢就第一時衝去另外一隻兔個籠到，真係唔係好知點算。
1,點解佢明明識上廁所個多月，又會冇啦啦一時識一時唔識既呢?係因為”燥”味太厲害定因為拎走左個草兜?係咪又要好似細細個o個陣咁再教佢痾尿呀?
2,點解冇啦啦會噴尿?
3,之前因為凍就買左張vet(唔知有冇串錯)俾佢訓，但係到冇咁凍o個陣佢就開始係咁咬o個塊野，其實佢係牙癢定咩呢?有咩方法可以唔令佢咬野呀?(我有俾草磚架喎)
唔該幫下我><
更新1:
但女仔都會噴尿架咩?
