影乒乓球要如何對焦?

室內運動拍攝受制於現場光線.而且動態題材也不容許用慢快門.所以高感光度及大光圈是必需的.這方面數碼單鏡反光機表現較好,如果只有普通DC,則只好盡力而為,但不能對相片質素期望太高.

普通DC的話,對焦方面有追焦固然最好.唔係好追到既話就睇下有冇得估距離就咁影,分分鐘好過勉強用自動對焦,,連拍夠快就用連拍多捕捉不同動作,否則只好靠經驗單張影.
如果係用數碼單鏡機的話目標要定高啲.最好配備恆定大光圈鏡頭,假設你可以到場邊拍攝,70-200mm f2.8這個規格比較適合,拍一些球員大特寫或比賽情況都可以.
建議用追焦(連續對焦),加連拍,高階機可以針對球員面部追焦(在球員靜止時鎖定面部,之後讓相機自動追蹤),否則只好開晒所有對焦點博一博.盡量利用觀景窗判斷焦點是否正確(所以觀景窗的屈光度必需要較準),需要時稍稍改變構圖令焦點落在球員面部.
了解比賽過程可以令你做定準備動作,那裏動作較慢就可以集中火力影.例如球員開球的一刻,在拋球後面部是不會有大擺動的.如果你的相機有即時手動/自動對焦切換的話,你可以用自動對焦先對準面部,即使切換到手動對焦,待拋球連拍便可以影到不錯的發球照片.
要有心理準備唔會張張得,必需要影一堆然後揀啲得既.

2009-02-28 07:23:10 補充：
你不如講下你有甚麼器材,等我針對佢地解釋.

2009-02-28 23:00:30 補充：
老實講你支鏡唔多掂.得55mm唔多夠長.就算可以走埋場邊都唔多可以影到大特寫.
而且光圈太細,只有f5.6(因為你大多數時間都應該係用緊55mm焦距).
對焦其實反而會易咗,因為焦距短,目標又遠,光圈又細,景深會幾長下,好多時對焦再構圖其實都得.
建議你可以多補捉開波一刻,因為動作較慢,而且在拋波前是靜止的,可以預先對定焦.待拋波一刻開始連拍.

2009-02-28 23:00:43 補充：
另外在比賽過程中你可以試下用AF-C(即連續對焦)同埋Dynamic Area(即打開所有對焦點).要留意D40只有三點對焦,主體盡量放在三個對焦點位置.盡量靠觀景窗見到清就連拍.當然唔可以期望張張中,要影一堆相揀.
至於用廣角焦距影兩個人比賽的情況,其實用張枱對焦我諗都唔差幾.
其實你最大問題係支鏡光圈太細.建議你用全手動曝光,光圈全開,iso 1600,唔用得iso 3200因為連拍會變慢.快門1/125秒我覺得都好盡,再高會太暗,再慢失敗率會好高下.
影raw,事後靠軟件推翻光張相,花係會花啲不過都冇辦法.