✔ 最佳答案
如果要去佢地既meeting,會唔會有啲似離開天主教,去人地個教咁...
去下基督教既聚會唔係等於離開天主教. 去學下人地既野唔係壞事. [會好易沈去基督教即使我點清醒] 就唔 一定係真, 係睇你本人對信仰是否認真, 或者是否耳仔軟, 人講你就信個種.
在下去過幾個不同既教會既聚會, 佈道會, 見證講座之類. 有d基督教會真係幾正氣, 又和善, 同天主教既教導有少少不同, 大抵好相似. 有d教會就會曲解聖經, 或好逼迫, 或太情緒化有點失控, 總之唔啱我既下次咪唔去囉.
不過, 你完全有權選擇去唔去. 冇人應該逼到你, 或要脅你一定要去.
但唔去,又唔可以一起玩...
埋堆咩? 唔去佢地既教會, 你地之間就唔可以有交情咩?
如果佢地既教會係咁分咐d教友, 就真係學樓上話齋: 佢地既教會係一個 [唔純正] 既教會黎.
人既交往, 冇錯係啱傾既就會成為好朋友, [話不投機半句多] 吖嘛. 但係如果將所有外教人排斥, 指責, 咁係佢地封閉起自己. 咁既人, 就算你勉強入佢地教, 做到你既朋友, 你信唔信佢係真心喜歡你? 定係只因為你肯聽佢地話?
呢個唔係朋友關係, 係童黨收靚仔既關係. 佢地冇當你係朋友.
對方有權話 [你唔去,就唔可以一起玩 .] 佢對你既意思亦好明顯唔係真係對你呢個人有興趣, 冇打算當你係朋友.
在下覺得, 呢d所謂朋友不要也罷.