✔ 最佳答案
佢地裝有線既時候,通常係你個層樓既公共天線櫃,將你屋企個天線插插去佢地專用天線,唔會搞你原身個天線制,除非你特別要求用返你大廈既公用天線插座。
佢收返解碼器跟手會將條天線插返埋牆比你,完全唔影響你原有收到既台,佢都冇咁勤力去同你係走廊插返大廈公共天線插?
1. 你可以打返電話俾有線同佢講,叫佢搵師父跟進。
2. 自已轉天線插座可以咁做:
你問吓管理處你每層樓都應該有間房仔或者櫃咁既地方,入面係擺大廈公共天線分去各單位既插頭,要管理員開鎖比你。假設你層樓有八戶,打開你會見4組(如果每邊一個櫃)或者8組(全層一個櫃)天線插頭,你搵返自己個單位個頭,好易分:如果你隔離屋冇裝有線而你應該重插住,你會見個插頭唔同人地,側邊應該重有個冇插野插頭。如果隔離屋都裝左有線,問題都不大,你搵人係屋企睇住部電視,逐個插頭擰甩佢,如果甩錯天線,插返就掂,唔會有事。甩左而你電視冇野睇個頭就係你屋企既。跟手駁返去冇野插住個頭,攪掂。
不過你電視d台要再set過,同埋有線既天線係靚d,睇電視清d,插返大廈天線可能冇咁正!如果set過台,有野睇但又有雪花,可能係大廈天線冇用一輪壞左,搵管理處跟。