想入會計呢行

(IVE)
入ive都唔錯ga! ive有個web site俾畢業生搵工! 12分可以入到ive ga! 不過由於你係主科fail, 可以要由foundation diploma (1年)讀起, 之後可升高級文憑(3年) or 文憑(2年)! 其實係ive出來之後做個會計文員都無咩問題!


(其他途徑)
如果你唔想用咁多年去讀完個ive, 都可以考慮一下考會計的專業試: HKIAAT (website: http://www.hkiaat.org/ad/index.htm) 參考一下吧! 香港商業專科學校 (website: www.hksc.edu.hk) 也有提供HKIAAT的修讀課程!


(半工讀)
如果你搵個普通文員的話都無問題既, 你肯半工讀仲好啦! 可以一面有工作經驗一面有學歷! 一般文員既入職要求都只係中五!依家ive都有夜間課程可供選擇。


(入大公司)
如果只是ive畢業可能比較難入大公司做事, 因為通常入職要求都可能係大學畢業or有相關的專業資格。不過唔緊要, 你可以ive畢業之後再搵大學讀, 依家入大學既途徑都多左好多, 可以夜間讀大學的!


加油!

2009-02-22 17:04:58 補充：
會計的專業試不只HKIAAT, 還有LCCI (不過聽講依家無以前咁多人考LCCI, 可能係因為會計師公會舉辦的HKIAAT出了名堂)

只要你去讀 LCCI 嘅課程, 再去考 LCCI 嘅試, pass 後咪可以開始入行囉 !!
我以前讀書嘅時候都係讀理科架, 宜家咪做咗會計十幾年 !!

其實你點解想入行會計? 唔好只係信報紙雜誌鱔稿及課程介紹. 唔好以為個個做會計一入行(包括會計文員)就一定有$10K月薪, 亦唔好以為考完牌後包你$50K一個月. 唔好以為就算經濟好差, 會計生意唔憂做.
無咩公司會請無LCCI中級證書的申請者做會計文員. 市場已經有唔少學歷好有經驗人士競爭, 再加上有些公司已經將會計工序北移, 做會計文員亦都要不斷增值, 否則好容易被人淘汰.
如果你想做CPA(公會認可會計師)就更加要諗清楚. 會計師樓邊個會請中五學歷做野? 細會計師樓已經無乜資源去train人, 所以請個audit junior都最起碼要有會計文憑/高級文憑學歷, Big4最起碼要大學畢業.
做CPA一定要考試, 你由最低考起, 我唔知你考完已經幾多歲. 每年大學及副學位會計系畢業都起碼二千幾三千人, 市場咁多又後生又學歷好的人加入勞動市場. 政府話就話唔好年齡歧視, 但係有幾多人肯聽? 唔怕話事實你聽, 我之前去間細會計師樓做過, 大約得10個人, 只係得兩個較老, 其餘全部係後生仔女. 兩個老裡面, 一個係老闆, 一個係有起碼20年核數經驗的auditor.
因為好少人可以做到會計師樓高級職位, 再加上做得好辛苦, 多數人唔會起會計師樓做一世, 所以好多人考到CPA牌後就會走. 你估下一個有大學學位+Big4經驗, 另外一位只係有中小型會計師樓經驗, 邊個條路會行得順利? 唔駛我解你都知.
所以, 無大學學歷、年紀又老又無相關經驗, 一定要考慮清楚先決定做唔做CPA. 一入會計呢行, 想轉其他行業唔係容易.
如果你係想做會計文員, 唔該先考番張LCCI Lv.2簿記及會計證書. 無論入唔入到都要不斷增值. 如果想做CPA, 途徑有以下幾種, 但方法1係最好:
1. 認可大學學位-->轉制課程(HKICPA認可的會計學位可以免修)-->QP-->最少3年認可經驗-->CPA(-->核數經驗-->考Practising cert-->CPA(Practising))
2. 高級文憑/副學士畢業-->考AAT未豁免的卷-->QP-->之後同上
3. HKAAT ATE 8份卷-->HKAAT PBE 4份卷-->QP-->之後同上
4. LCCI L.3 Credit或以上-->ATE 7份卷-->HKAAT PBE 4份卷-->QP-->之後同上
半工讀唔係話唔得, 但你預會極辛苦, 同埋比一般人要花更多時間完成考試. 會計公開試及讀書有一定難度, 亦唔係包合格, 你會唔會中途放棄? 你係對會計無認識的話, 我建議你先讀下LCCI簿記課程, 先對會計有初步了解, 之後考慮下應否再讀上去.
IVE方面, 你要預一畢業生多數唔會有大公司會請你做會計, 所以多數畢業生去中小型會計師樓工作, 一係去做會計文員, Big4都有會計文員工作申請. 大上市公司就多數請大學畢業又有Big4經驗去做會計.

先報讀會計課程 LCCI 初級 , pass 再中級, 高級
LCCI 係英國倫敦的公開課程, 係會計界承認的課程