動態對比度

動態對比度通常用於一些視像重播設備例如電視機,投影機等.
每一個視像重播設備都有一個基本對比度來表達最黑同最白的亮相差有多遠.例如1000:1就即係最白比最黑光1000倍.數值越高畫面越光暗分明.
至於動態對比度就係一種自動調節畫面光暗的功能,用來達到進一步增加對比度數值的手段.原理係當畫面是光亮場面多例如大白天室外時就提升整體亮度,當畫面是黑暗場面例如夜晚就降低整體亮度,於是光的畫面更光,暗的更暗.由於暗位可以做到好暗,所以數值可以大得好誇張,超過10000:1是等閒事.
不過咁做其實也有限制,例如畫面同時有極光同極暗的事物時就會束手無策,例如夜晚出字幕,咁啲字幕都會暗埋.亦容易在轉換時搞到畫面時光時暗.
最後那個對比度數值其實亦好搵笨,因為好多廠商都有自己一套測試方法而唔係用國際標準的,有啲數值好高的機型實質表現會比其他廠低數值的表現差.所以最實際還是現場睇部機既表現比較好.
至於在數碼攝影方面,一向以來數碼的光暗寛容度都係比菲林差的.遇到畫面有好光或者好暗既地方,就好容易會變到全白或者全黑冇晒資料.尤其當畫面同時有好光同好暗既景物一同存在,影得暗位夠光光位就全白,得到光位啱暗位又變到全黑.
所謂動態對比度或者動態寛容度就其實就係靠用軟件推光暗位或者抑壓光位而達到降低畫面對比度的一種手段.不過由於係軟件做,推光的暗位本身係曝光不足,推光後會有較明顯雜訊.