會計考試方向

我唔知你自己想條career path點走. 如果你想做會計文員, 雖然LCCI Lv.2加中五學歷只是最低要求, 但近年有唔少學歷高或/有相關經驗的人爭工作, 會計文員唔努力增值, 好容易會被人淘汰. 你可以繼續讀LCCI高級, 甚至考埋AAT頭8份卷.
如果你係想做CPA, 考試都要幾年時間, 到時我都唔知你考完已經幾多歲. 你要諗下年年有咁多大學畢業生及副學位畢業生爭工作, 最重要係又年輕又有學歷. 政府話就話唔好年齡歧視, 但係有幾多僱主真係會聽? 我以前去過間會計師樓做, 全部都係後生仔女, 最起碼有HD學歷, 甚至有Degree學生做實習. 老既唔係老細就係起碼有廿年核數經驗的員工.
如果你係想做CPA, 可以行以下其中一條路:
1. 認可大學學位-->轉制課程(HKICPA認可的會計學位可以免修)-->QP-->最少3年認可經驗-->CPA(-->核數經驗-->考Practising cert-->CPA(Practising))
2. 高級文憑/副學士畢業-->考AAT未豁免的卷-->QP-->之後同上
3. HKAAT ATE 8份卷-->HKAAT PBE 4份卷-->QP-->之後同上
4. LCCI L.3 Credit或以上-->ATE 7份卷-->HKAAT PBE 4份卷-->QP-->之後同上
關於香港持續高等教育學會, 你可以在這裡搜尋一下這裡的人對這間學校的評語.
ACCA同HKICPA已經無直接互認. 而家考完ACCA而想做HKICPA會員要符合八大條件, 但HKICPA會員可以直接做ACCA會員.
仲有, 考ACCA、AAT甚至QP唔係包合格. ACCA合格率大約50%, AAT唔同卷合格率有高有低, 合格率極低的卷都有. 而且PBE卷全部合格入到QP的人係極少.
想考牌做CPA, 無大學學歷或/及Big4經驗會行得幾辛苦. 大學畢業有多D工可以申請. 以前好多Big4人考完牌就去上市公司做會計工作, 較大型上市公司就係想要有多年Big4經驗的人. 你上Big4網頁就會睇到佢地請畢業生有乜要求, 我不用多說.