有關健身與健身奶粉問題!

<1.健身奶粉點沖?(盡量詳細小小)>

唔需要諗到好複雜，一般都係就咁用凍水沖，也有人會用鮮奶或豆奶，營養當然更豐富，不過也更富貴。

份量方面，所有健身奶粉都內附一個匙的，而且亦會註明建議每次的份量，不過該建議份量往往是好多的，普通人不用跟足，只需要<建議份量>的一本左右就得了，例如說明話要每次落 4 匙，咁你落 2 匙就得了，不要落足 4 匙。

也可以加條蕉，用攪拌機打2勻，會好味好多，而且更多營養又幫助消化添!

但無論你用乜野沖，都一定只可以凍沖，唔可以熱，否則會破壞奶粉中的蛋白質。


<2.real gains呢隻有冇效?>

好難話 real gain 得唔得或邊隻牌子好，因為每個人的腸胃不同。同一隻產品，有人好吸收，有人食到腸胃不適，要自己試才知道邊隻適合的，最起碼就睇下唔會令你肚瀉或腸胃不適 (例如太滯)，呢個要你自己觀察。

順帶一提：健身奶粉要日日食，一般為運動後立即食，唔運動那天則當下唔茶好了；而且必須要飲多點水，食多點水果，否則會熱氣。

還有，健身奶粉一定要配合運動的，否則齋食只會肥，唔會大隻，而且健身奶粉只可以視為輔助，正餐才是吸收營養的最佳方法。


<3.點解做完d肌肉訓練後!係就係個下大隻左小小!!
半個小時後左右又變番冇練過咁?>

正常反應。

做完運動後，有關部份的肌肉會處於充血狀態，因為身體知道該部份運動緊，就會供應多 d 血去那裡，提供氧氣和養份並帶就新陳代謝廢物，所以就會漲了。

當運動停止一段時間，該處的血液供應就會回復正常，於是又變會正常大小了。


<4.有冇其他增重方法可提供?"e.g健身奶粉">

同你分享一下我的的心得，因為我都係天生瘦仔，靠健身和營養增肌的：

１。做運動。當然最係效增肌的就是健身。不過健身的同時，必須先做一些心肺機能的鍛鍊，幫自己的身體打基礎，再做健身就會事半功倍。我係健身前就連續１年努力游水，提升了心肺功能，才開始健身的。而且要一直維持帶氧運動的習慣，有體能1肌肉才能發展的。

２。充足營養。這點是很明顯吧，但天生瘦的人如何提升營養吸收呢？有幾個要訣的：

－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；

－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；

－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；

－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。

３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！以健身為例，一般要增肌的話，每天要睡眠８小時，而專業的健美運動員睡眠時間甚至達９至１０小時的！

４。放鬆自己。唔少瘦人都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係點食點操都谷唔漲肌肉的。

５。恆心毅力。呢樣野真係無得教，卻偏偏最重要！既然你天生係瘦，要增重練大隻都絕不容易的，亦無得快，無任何捷徑，只有持之以恆，才有好成績！

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm