有關哂相既問題～

只要有辦法俾到個相片檔案俾晒相店就可以晒到相.
晒相既價錢視乎你要晒幾大張.以主流既4R計,由$0.8到$1.4都有.貴既通常一,兩個鐘就有,平既可能就要第二日,甚至隔日.
要留意由於相片比例同數碼相機既檔案或許有出入.晒相時如果唔講明既話,會被裁走唔夾的部份,唔想被裁相就要講明留白邊.
你係可以攞電腦裏的相片檔案去晒相的,不過一定要係Jpeg格式.
基本上大間既晒相店會有齊所有儲存媒體既閱讀設備例如USB手指,CD,記憶卡甚至經互聯網上載都得.
細間既就好難講,你要自己問佢.
要留意晒相唔同在電腦睇,解像度要求會比較高.以4R為例,要去到1800 x 1200先有最好效果,再大張既要求更高,如果你隨意在網上下載一啲低解像度既相去晒的話,晒出來會矇甚至起格.
想張電腦既相過翻落相機可以利用一個讀卡器,在電腦商場有售.但要留意唔係甚麼相過到相機都睇得翻的,只有相機本身影的,沒有經過更改的相先會睇到,其他相機影的相,互聯網上下載的相,十之八九係睇唔到的.