美國銀行國有化為什麼會引美國銀行股暴跌?

國有化
銀行國有化, 簡單講, 上市嘅銀行, 俾政府參咗股, 甚至收歸國有; e.g.美國 & 花旗銀行, 本身係商業機構, 依家經濟差, 自然收縮 D, 唔願借錢俾客人, 「落雨收遮」啦, 但係若果國家買起咗呢兩間銀行, 佢老總就要拜拜, 番屋企撚吓雀仔啦, 國家要派一個「負責任」嘅高官去主理, 講梗係「社會責任」, 首先, 唔好炒人, 咪搞大咗「失業數字」嗎, 仲有, 唔可以「收遮」啦, 實行「放水」兼「派糖」 阿朱阿狗, 總之, 佢嚟借,都冇問題, 噉樣搞, 間銀行咪俾人玩到謝晒, 將來冇錢賺, 揾乜嚟派息俾股東, 冇息收, D 股票揾人要囉 !
銀行國有化的過程
如果上市銀行 ,要籌錢, 可以供股集資, e.g.渣打銀行剛剛做咗, 但美國 & 花旗患嘅係「重症」, 資產係所剩無幾, D 傻仔就算肯「供股」, 亦有心無力啦, 唯有揾外援幫吓手; 起初, 係叫國家擺一筆錢去銀行作週轉 ,好彩過關, 咪還番錢俾政府, 然後繼續「忙碌」; 但, 若「流血不止」, 政府就索性要求入股, 要銀行印股票俾政府, 噉, 銀行咪唔使「還債」俾政府, 即係用股票換成政府嘅注資, 國家就成為銀行大股東咯 ; 當股票加印咗, 將來銀行有錢賺, 就「分紅」派錢,又即係派息,到時因為多了新股票, 就多了新老板 ( 國家 ) 同你攤分,即所謂「攤薄」;所以, 國有化之後, D 股票想升都唔容易, 亦係代表經濟整體都係去梗谷底; 這當然, 若個市去咗「熊三」, 跌到殘晒, 咪係投資好時機 !!!

2009-02-22 10:44:14 補充：
點解宣佈救市 & 銀行國有化, 個市竟然跌呢 ?
經濟體系, 好似循住一個軌跡, 像一條波浪線一樣, 由升去跌, 又由跌去升, 而股市係走在經濟表現之前半年至九個月左右, 即係經濟未好, 股市先好, 經濟未衰, 股票先衰 ; 就好像年前, 明明環境好好, 但個股市無情情大跌,

2009-02-22 10:44:25 補充：
, 另外, 既然股市走在股市之先, 而股市又因人的情緒去作出預期, 所以, 當市場有一些利好 or 利淡嘅資訊, 就影響咗一D 短期升跌, 但係, 現在嘅趨勢, 經濟體系仍向下, 若出了一 D D 好消息, 當然改變唔到落緊嘅大形勢, 仲有, 每次升 or 跌之後, D 專家就講一 D 理由去解釋, 其實, e.g. 某公司宣佈業積差, 但又可出升 D D , 就解作, 業積冇市場預期咁差, 所以升 ; 講真, 查實係有人借貨沽空, 被人夾倉都唔定, 遲 D 點會唔跌呢, 正如美國經濟真唔易搞, 宣佈少少救市方案, 都係益咗 D 大戶去夾吓淡倉咋 !