倉鼠無故死左.... 杰入

好抱歉知道你之前既鼠離開左,希望你都唔好太內疚亦唔好太傷心,從經驗中吸取教訓,了解多D再養吧A.睇你講既野睇唔到鼠鼠係咪死左,睇下鼠鼠係咪死左,要留意鼠鼠有冇心跳同呼吸,唔掂佢,就眼定定咁望住佢一分鐘or更耐,睇下有冇高低起伏,有就係未死,都可以再抱住鼠鼠感覺一下佢有冇郁,但咁好唔準,最好用眼去睇會好d,鼠鼠既心跳呼吸有時係好微弱,所以要定d去睇耐d
如果死左一段時間,身體就會凍同僵硬

B.照你講既特徵,我覺得死亡原因有以下既可能:
1.糖尿病
唔知你話飲水量好多係幾多,如果水樽冇問題既情況下,飲晒成支水咁多既話,就可能係糖尿病,但要留意,食物有問題or人既食物易令鼠鼠好渴,而令鼠鼠飲多左水,但就應該唔會多得太誇張

2.排泄物異常
便便好濕如果係固體但有液體在上面既話,可能係便秘,如果質地係爛既話,則有肚瀉既可能;你話之前冇便便,照睇似便秘多d,便秘既鼠都會睇落好肥,肚好漲咁
分辨便泌or肚瀉:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
b)清晒個籠之後,再仔細留意佢既排泄物係咪真係少左or多左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
d)便秘有時會見到佢肛門附近會濕濕地咁既,甚至見到有便便塞住,肚瀉呢個位都會濕,不過就唔會有便塞住

3.壓力
唔好睇少壓力,壓力對鼠鼠唻講係好緊要,有壓力好易誘發疾病
a)每日玩個波唔知係咪指一個球咁既野,放鼠鼠入去唔怕鼠鼠走佬既野呢?唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
b)鼠鼠好喜歡儲糧,每日俾半匙食物俾鼠鼠,忽然少左好多野食既話,就會感到壓力,唔夠飽更加有機會血糖過低,鼠鼠身體細小,冇咩脂肪去消耗,係唔餓得既
肥胖多數因為胡亂飲食,控制好鼠鼠食既野,正常時食鼠既混合糧及草or草磚就足夠,加上有轉輪,一般唻講鼠鼠唔係咁易過肥
c)鼠鼠係獨居動物,如果同一籠有第隻鼠,除左易打交外,都會感到壓力

4.體內腫瘤or其他嚴重疾病
肥胖會誘發疾病,又或因體內有腫瘤都會睇落十分肥胖咁,其實當鼠鼠有冇咩力既情況,最好就盡快睇醫生處理