如何疏遠朋友？

我有幾個舊朋友，以前曾經好friend
後來各自升學工作，少見左，我開始覺得同佢地唔夾、無交流
我知係我自己問題，佢地唔覺，仲成日約我行街食飯
我唔想去又唔知點拒絕，
攪到佢地一打來約我，我就有壓力…

出到來未至於無話題，一樣可以照吹水
但係我覺得咁好浪費精力同時間…
而且我亦不想俾佢地知道我的私人野，例如工作、近況、感情…
一出來就好難避免被問到，所以壓力更大…
好煩﹗有時更不安到無心工作，一有手機響就成日驚佢地打來

我試過疏遠佢地，例如：
話忙，三拖四拖都唔出來
成日唔接電話
出到來少講野+黑面
我好難用忙來推，因為無一份工係會24小時都忙架﹗拖到幾個月又要應酬佢地…唉

佢地可能無乜其他朋友，始終會打來約…仲痴纏過狂熱追求者
一般人見我咁都會明，唔再約啦，但佢地唔會囉
甚至一見我態度好d就話想個個月keep見面…真係好煩

我唔想換手機號碼避佢地，
亦不想不歡而散(例如直接講唔想再見佢地，其實我都暗示過，但佢地就狂問我點解？)
有咩辦法令佢地放棄找我？