California Fitness 價錢

California 係海鮮價，除非係佢地 d sales，否則好難話你知究竟幾多錢。

不過都有 d 大路資料可以同你分享：

1。由於係海鮮價，好難俾一個確實的數目，不過以單一個 centre 來講，你又肯簽 contact 或預繳的話，每月不應超過 $400。

2。大部份所謂優惠都要簽 contact 或預付一大舊錢的。

3。可以無 contract或預付，續個月計，不過價錢就貴得多，單一 CENTRE 好似要成 $5xx 一個月的，而且要俾入會費和手續費等等；如果要玩 all clubs 的話，$6xx 一個月一定走唔甩。

4。亦有 d 更平的 plan 的，例如：只去一個 centre，每週只能夠去 3 天，限定每星期的 1/3/5 或 2/4/6可以去，而且無毛巾供應。呢個 plan 的價錢好像是 $2xx (唔太肯定)。不過你有心理準備，你去問呢 d plan 的話，d sales會不聽 sell 你其他貴 plan，你一定要堅持唔好動搖啊~

5。你要留意，去 california 參觀又好，問價又好，都不要胡亂簽文件，california的sales出名是超級煩同買賤的，會用盡手段要你買健身教練堂數，例如不停咁當眾批評你身材差，大大聲話你個動作做得錯晒等等，目的係令你難堪，向他們屈服。而且教練堂非常之昂貴，每小時幾百元，而且往王要你一次過買好多堂! 所以要好有定力，唔好耳仔軟，唔想買就要決絕地 say no! 更要記住以下要點：


千歧唔好心急：比錢人洗，無理由心急，否則好蝕底。通常我一定叫朋友無論幾想join，都唔好即日join，一定先離開間gym，離開d sales 既疲勞轟炸，返屋企諗清楚，認為值得先至join，寧願第日走多轉。

一定要面皮厚：california d sales 出名賤格，成日死纏難打，整到你好似唔幫趁唔得咁，如果你唔即時join，就會嘗試令你尷尬。千歧唔好中計，價錢唔岩就走，唔洗理佢地，因為至係想坤你 d 錢。

打爛沙盤問到督：cali d sales 成日講 d 唔講 d，故意錯誤引導你，等你以為乜都得，點知比錢簽約之後至發覺係另一回事。

唔好信d sales：真架! cali d sales 出明賤到不堪，佢地講乜都係假，信三成好啦! 睇清楚間gym，睇清楚合約上的條文，立亂簽名，死左唔知乜事。

我成日都響度講的：join california唔係問題，不過 california 的 sales 出名好賤的，會用盡各種方法誤導你同hard sell 你。你去 california一定要搾緊主意，同埋要問清楚睇清楚所有的條款，唔好耳仔軟，更加唔好諗住簽完合約可以反悔。

其實對初學者來講，康文處轄下的 gym 就係最好的選擇，價格相宜，有免費教練，基本設施齊晒，更加唔會 hard sell，好適合初學者。

除此之外，有 d 較具規模的社區中心都有健身室的，設備同康文處的差不多，都夠初學者了，價格都會平過私人 gym，亦唔怕不良推銷手法或斂財，更不用簽約或預繳，不過無免費教練了。

中型 gym 的話，大角咀的 waterfall golf 同旺角的 the fitness gym 都係不俗的選擇。

我並不建議初學去 california，一來無免費教練，俾錢請的話每小時收成幾百元 (!) 的，而 california 出名 d sales 好爛的，會騙你簽約同買好多教練堂，唔少人就係咁無啦啦俾過萬蚊然後又後悔。

當然，其實 california 個場係好正，不過 d sales 真係好差，要自己識得做 gym 的人才好去，而且唔好耳仔軟，真係覺得自己想 join 至好，同埋唔好亂簽文件，唔可亂埋教練堂，更唔好幻想可以簽了合約後反悔或取消。

已中招,還請小心,搵多幾個醒d既fd上去