我同左我女朋友一齊，依家先知道佢有個仔。

在女方立場,
佢愛你, 先會同你講,
可能佢唔係一開始就同你坦白,
但希望你明白,
佢要付出幾多勇氣, 先敢同你講佢有個仔?

而你?
我明白你仲好後生, 仲有好多好選擇

姑勿論呢個point!

你一聽到佢有個仔你既反應係咩?
你會有勇氣有決心去保護佢,
唔比佢再受傷害咩?
你愛佢既話你必定會努力去接受,
但假設你係兒戲既話, 我覺得唔係你浪費時間係佢度
係佢唔應該依靠你。

你期望佢點做? 你問心, 你可唔可以接受到佢個仔?
你要問人意見, 代表你好在乎其他人既睇法諗法.
但需要咩? 你最需要既係你女朋友既感受呀, 哥哥仔

如果你係無能力比到幸福佢既,
你就唔好再同佢一齊啦,
佢需要既唔係單單拍拖, 而係愛護, 支持
佢個仔亦一樣需要。

好好諗清楚, 自己比唔比到愛佢, 同佢個仔
盡力啦, 對自己鍾意既人付出愛係應該,
佢需要你, 佢個仔都需要你。

唔係浪唔浪費時間, 係你付唔付出時間。

杯茶唔係你既就唔係你既
勉強係冇結果
搵過另一個吧

買大送細,精子都唔洗用^^
幾好

如果我真心鍾意佢,我會唔介意佢以前 ge過去,初初同你拍拖個陣梗係唔會咁快話比你知佢有個仔啦,都未了解清楚你個人就咩都話晒比你知咩?????????
俗語有句話愛屋及烏,如果你真係鍾意佢,你應該用多 d時間同佢個仔相處多 d ,睇下個細路接唔接你,個女仔鍾意你同埋覺得你係可付託終身先至會坦白同你講,你知啦母愛好偉大格嘛,個仔唔要你你想同佢一齊都未必肯,人地點講咩係人地 ge事,把口生係人地度,最緊要係大家都鍾意,個仔能夠接受埋你,咁仲使咩考慮呢!!!!
人大左就梗係好多經歷架啦,唔係個個第一次都可以開花結果架,所以你應該比多 d 愛佢,咁佢就唔會諗番以前果個薄情郎格啦,既然緣份到,就唔使理人地點睇,你估做粵語殘片咩!!!!!!!!
如果我係你,我唔會理果 d 世俗眼光,順其自然,錫佢多 d , 一定有回報架!!!!!!!!

2009-02-20 20:43:47 補充：
咪係囉!!得個20歲,大把時間你去了解佢多 d ,大你一年咁大把,依家咩年代姐,鍾意就得啦,佢咁樣同你講,佢係咪有第2條仔先,如果唔係就努力 d,除非你對佢係可有可無就無謂晒時間 lu......

哎!!!!可能你仲係細,遇到尼 d 問題就做係幾click手,都係算罷啦,都係個句順其自然~~~~~~~~~

唔好意思問你一句,你係咪第一次拍拖???????????????

你唔駛問大家，其實你最了解自己心意，應該心裡有數！
你問自己能否接受佢個仔？及佢個仔對你有無抗拒？因為就算你可接受，若孩子唔接受你，它日都會有很多難以解決的問題及磨擦，不如冷靜冷靜，先諗清楚才決定下一步！女友唔早講明，我認為唔係咁好，今日的困惑亦是她帶出來的！

2009-02-20 22:20:16 補充：
看來佢認為你唔係佢杯茶，所以都唔想你投入感情。免傷害你。
因為佢帶著孩子，唔想再遇上一次唔穩紮的婚姻。所以佢情願慢慢來。畢竟你的年紀還少，佢經歷比你多，佢渴望安定的生活。

我明白佢對你唔坦白, 一定會好嬲, 但試想深一層, 佢呃你都因為怕佢有個仔, 會破壞佢在你心目中的形象 ... 主要都是因為愛你
現在你要做的 ...
1. 就是想想, 你現時對佢的感情如何, 你是否依然愛佢
2. 佢又是否依然值得你愛
3. 同時你能否接受佢個仔
4. 你要認真考慮還有你家人朋友能否接受一個咁嘅女人
如果係我, 我會很難接受, 我會提出分手 ... 你呢?

其實大家一起都最注意開心同快樂啦,至於你接收得你女朋友,這樣便要接收埋她的兒子啦.你末試過同這小孩相處,那何點知道這小朋友不喜歡你呢.或者大家相處合得來亦開心呢.最注意是你是否愛你的女朋友啦?每個人都有自已過去的.因為別人的過去而放棄一段要好感情,這樣便實在太可惜了.

我會同佢散 ,
因為佢都吾坦白 .
咁一齊都冇意思 .