(20點)請你地幫幫我牙!!!!~~~~~

好明顯﹐其實唔駛人答你﹐你自己都知道只係一廂情願發緊荳芽夢﹐不過可能你想有個人講個另類D 0既”萬一”比你聽﹖﹗
你地開始﹐剛認識﹐上台唱歌佢留意下你﹐係好正常的表現﹐對一個新認識志同道合(唱歌)的朋友作出小小支持只為禮貌之舉。
很快你便變成主動﹐很有可能是這個男生被你嚇怕了﹐所以本來有的小小相處(MSN)也很快便失去了。
你的一串問題﹐可以說沒有一樣是真心喜歡一個人的表現﹐否則你便會問如何令到這個人開心﹐如何獲得他的信任﹐如何可以和他更接近等等….
相反﹐你覺得重要的事情﹐是:
1) 他online時間的長短﹖﹗
2) 他望你的次數和背後的意思﹖﹗
3) 連他身邊的人也都一拼受你影響﹖
4) 星座都關事﹖
等等等等……….
做人必須明白﹐若果另一個人會因為你走進他生命便顛倒一切﹐如此沒有性格的一個人﹐你也不會留戀半分﹗ 而現實生活也不是童話故事﹐做人切忌把自己想得太大。 資料中提及﹐自從認識了你之後﹐他生活中的事無大小﹐全部都可以和你扯上關係﹖ 他的每一個生活習慣﹐他的每一個眼神﹖ 你相信有這樣的事情嗎﹖若果事實真如你想象一般﹐今天的你還用長篇大論的問兩次問題嗎﹖ 今天他絕對已經是你的男朋友了….
純粹由資料中所得﹐唯一你對他算是特別的地方﹐可能是他已經感到你對佢有興趣﹐而他當然是無意思﹐並且已告知身邊的友人﹐所以或許你感到會有些異樣的目光投在你身上….
從你發問的邏輯上看出你看事情只會從自己出發﹐你連佢係一個點樣0既人都唔知就話要同人表白﹖ 你自己鍾意打機﹐所以唯一可以同佢溝通0既話題就係打機﹖ 唔講打機就無其他話題﹖ 未表白佢已經避到出面﹐仲想表白係咪想以後背影都見唔到﹖
你們的年紀和心智都還太小了(你可以反覆閱讀自己的發問﹐希望你終於會自己發現真正問題所在)﹐就算有一段正常的相處﹐也不是談戀愛的時候﹔更何況這更是一個一廂情願想象出來的故事﹐更沒甚麼值得留戀。
日後長大了﹐在自然的情況下遇到適當的人選的話﹐還可以給你一些建議。
1) 愛情和友情同樣無得勉強﹐都是在自然中發生的。
2) 一個人鍾意另一個人﹐未必需要對方是特別的一個人﹐十居其九﹐鐘意就係鐘意﹐係一種互相相處過﹐了解過的感覺。(HK有幾百萬人﹐要特別先同一個人拍拖﹖ 你話HK有無咁多奇人異士丫﹖)
3) 做人要睇事實﹐而唔係跟住自己感覺走。 佢online已經唔係好睬你﹐見到面又另歪面﹐其實已經清楚過清楚﹐咁你都可以想象到咁多野出黎﹖ 無經驗時係可以發下夢﹐但係就唔好發太耐同太脫離現實啦。
4) 喜歡一個人﹐需要了解一個人﹐然後走入佢0既生命﹐你同一個人無話題﹐因為你根本唔知佢係咩人。你做0既就相反﹐自己鍾意打機﹐就同人講打機﹐連最簡單的投其所好都無做到…. 點發展﹖
此情此境﹐趁自己只是對異性好奇而非深愛對方﹐及早放手為妙﹗ 免得日後泥足深陷﹐連普通朋友都做唔成。 不過﹐當然你如果唔係想長線發展﹐只想拿個經驗比自己﹐仍然可以繼續勇往直前。 固中的道理﹐感情的遊戲規則﹐在眼淚都流乾後﹐自然就會明白的了。

四個問題，都係源於同一個原因。

其實唔使諗都咁複雜，因為你唔留意人，你唔會覺得人地留意緊你。

你覺得其他女仔啤住你，其實，佢地都一樣覺得你啤住佢，只係你太過敏感。

首先唔好講個男仔，其實，你係咪都佢都有好感呢？

o係學校裡面，因為對o既時間太多，放左學又可以MSN、傾電話等等，所以對一個人產生好感一D都唔出奇。

但係因為大家年紀仲細，對感情o既觀念始終唔會太成熟，而且缺乏經驗，所以當大家見到自己有好感或者係鍾意o既人，就僧不其然緊張起來，就好似個男仔見到你o既反應一樣（即係擰轉面、又或者係電話度語無倫次等）。

不過，有好感唔一定係鍾意對方，因為就算朋友之間都會係因為有好感而做朋友。所以，我覺得，你不妨同個男仔交個朋友先，至少大家了解左大家之後，再諗清楚佢係咪你鍾意o既人都未遲啊！

加油吧！

Q1佢係當我 fd定係對我有好感牙??
A1你同佢都係同學,佢係當你 fd!

Q2點解我一望過去,佢就會即刻轉去另一面既??
A2可能佢有D嘢唔想比你知!

Q3點解d女要啤住我既?
A3呢題唔知點答!

Q4我唔明點解我係佢眼中已經好特別!可唔可以解釋下
A4因為你可能D頭髮、眼有D特別!

P.S.選我最佳啊!唔刻!^_^