點樣先知道倉鼠條咪打緊交??

✔ 最佳答案

A.鼠鼠打交可能會見到以下既情況,但亦有機會平日唔打,忽然一打就打死晒,又或因感到有人在家or半夜唔打,咁都比較難發現,特別係勢力平均既鼠:1)會見到鼠鼠有身體接觸,明顯對打
2)有外傷
3)叫
4)D毛會可能較亂
5)體味較濃,因為鼠鼠會用排泄物及體味去霸地盆
6)同一時間養同年紀既鼠,有一大一細既[情況
7)特別怕人,易咬人,因已受驚就要更加保護自己
8)易生病,鼠鼠感到壓力就易誘發疾病,特別係皮膚病同肚瀉
9)成日呢埋OR有D地方唔敢去
10)受驚or因地盆唔屬於自己而唔飲唔食

B.無論鼠鼠係咪打交,聽到鼠鼠成日叫,亦需盡快獨立飼養,好過出事之後先處理;鼠鼠係獨居動物,天生唔慣同第隻一齊生活,就算唔打,都易因壓力而生病
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫

因為聽到有聲都唔係好事,所以除左分籠外,都要檢查有冇以下幾點:
1)打交
有第隻鼠既話可能係有打交,因為鼠鼠夜晚較活躍,所以打交你未必見到,但因打交鼠鼠都會感到好大壓力,所以就會亂咁叫,必須要分籠先處理得到,因為鼠鼠係獨居動物,唔適合多過一隻生活
打交處理方法可參考以下我回答既知識;
http://hk.knowledge.yahoo.com/question?qid=7009010701103

2)環境,人等令佢感到壓力
留意個籠有冇咩地方會令鼠鼠易整親,例如籠既地板,樓梯,轉輪等會唔會唔安全而整到鼠鼠呢?如果呢d都係一間間,鼠鼠行到既地方唔係密封既話,係好易卡住鼠鼠既,就算鼠鼠走得甩既,都會令鼠鼠感到不安or痛苦
留意下屋企有冇其他動物,人或物品令鼠鼠不安
搬籠or籠既位置等問題都會令鼠鼠感到壓力
就算一籠一鼠,同第籠鼠太接近都會令鼠鼠不安,可以將鼠籠放遠d

3)疾病影響
留意鼠鼠有冇咩野同平日唔同,有冇外傷等,要仔細檢查及留意鼠鼠身體同埋排泄物有冇異常

4)新買鼠
新買返唻既鼠都會好緊張,未習慣環境同人,所以新買鼠返唻就要俾佢靜兩日,再試下以下方法去同鼠鼠熟:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

C.其實鼠鼠最好分籠,如果唔同性別,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

點樣先知道倉鼠條咪打緊交??

回答 (2)