學法文,德文定日文好?

想請問在應用上，以上那一種語言比較遍呢？Thanks!

我覺得你最好學日文先好！！！！因為你話想由淺入深，所以學日文好！！！去日本玩會方便ＤＤＤＤＤＤＤＤ

如果為興趣﹐學邊樣先好?因為我真係3樣都有興趣 好苦惱
我明。因為我都有過類似你的迷茫。我的經驗認為應該學日文先。因為發音難度：日文<德文<法文。法文pronounciation好難﹐由e可以發a音就知。文法入門難度：日文<德文and法文。德文有好多RULES是事實﹐而且要死記。參考書籍數量：日文>德文and法文。另外日文在香港也較普遍。
所以日文作為入門應是順利成章的事。而且日文有漢字易上手。另外日劇也可以幫助練聽力。
如果學德/法文, 我想由淺入深邊種會易d?
德文﹐因為德文發音易﹐如果只是要練到識看不難。而且我找不到大小適中的法文字典。
如果我同一時間學2種語言會唔會太Heavy?
會。好易最後兩樣都give up
有冇參考書介紹?
大家的日本語。
日語通日語自修教程（全四冊）

小弟曾修德語(工作上對客的需要), 其實德文我感覺上會易上手D, 因為grammar大部分都英文相同 (貼切黎講應該叫「似曾相識」), 而且更有idiom同phrase係可以直接互譯的 (因為語言演變的源頭關係), 發音較少受法語的變調變音影響, 基本上一望就識讀出黎

據我所知，日、德、法都分別有佢地專門既考試，所以只要考好呢d試，其實係邊度學、有冇證書都ok。

個人認為，德文同法文都係幾難學既野，因為佢地既發音模式同廣東話好唔同，所以港人要學係要花更多既心機。
所以我會建議先學一樣，至少學左發音個part，先學另一樣會比較好，因為語言既基礎都好緊要，如果混淆左或者底打得唔好，再上都學唔到d咩。
無謂為左快而兩頭唔到岸吧!

至於學邊樣好，當然最主要係睇興趣。
講真，香港地要用到呢d語言既地方真係少之有少，唔係冇，只不過唔係刻意都唔會需要面對呢幾種語言。
例如你話你工作，如果只係一間細公司既一個小小既文職，識咁多國語言都唔會有用武之地嘛。(傾生意都唔到你去傾)

所以，就睇你對邊方面有興趣吧!
因為興趣都係促使一個人用功讀書既動機~咁會事半功倍呢。

2009-02-24 11:04:31 補充：
我都會先建議你學日文，因為易上手而且多參考書。

當你學緊時，你可以睇下自己有冇時間同埋能力去學多樣；
據我所知都好多人同時學兩種語言，只不過好多時得返黎既回應就係：要花好多時間溫書，有時間先好咁做。
所以你要衡量自己既能力、學業，如果會因此影響到學業又或是令自己冇晒時間，咁就唔適宜同時學兩樣了。
凡事要量力而為，咁先可以得到最佳效果^^