同男友一個月..佢最近唔多理我..點算?

我e家中5..
我係唔多讀書既人..
我同我班一個男仔拍緊拖..
2月14岩岩夠一個月..好開心


睇得出佢唔係對我玩玩下個種..
而且我都係真心鐘意佢既..
2月14出去玩..我地都玩得好開心t
但係最近呢幾日..佢唔多理我..
平時小息lunch之少都會搵下我傾一兩句
放學都會同我講聲再見..


但呢幾日佢小息lunch都唔搵我..
放學又唔同我講再見..
本身仲約左佢一齊放學..佢就同佢個fd走鬼左..


第日我擔心佢問佢有冇事佢又話冇..
於是我肯定做主動..自己去搵佢
佢又唔係唔理我喎..
但係好似對住我唔係記想出聲咁樣..


朋友叫我打比佢問問佢咩事..
我打比佢..我問佢係唔係有心事..
佢話冇..問佢做咩好似對我冷淡左..
佢又話冇..問佢係唔係唔記得左同我放學
佢話佢見到我同我fd一齊..以為唔同佢放
之後我真係忍唔住佢呢d膚淺既態度大聲講左句..
你可唔可以認真d丫~!?
之後佢都驚左我唔敢出聲..
過一陣佢就要溫書唔傾得..


於是我寫左幾張紙仔比佢..
同佢道歉..我係電話咁粗魯對佢..
同佢講返最近心情好波動..希望佢體諒
叫佢努力讀書..我會支持佢
佢上堂個時好用神咁係櫃低睇..
我仲最後寫住..叫佢有時間上下我個blog..
因為岩岩更新左
之後我check過記錄..佢個日夜晚真係有上


我為呢件事喊左幾日..
朋友就話..
佢係個讀書人..
我唔讀佢都要讀嫁..
又就快會考..佢應該係想放低一下心情..
專心應付會考姐..
而且成日見面佢都想有時間靜下..
真係想同你分手佢就唔會再上你個blog關心你既事..
唔會係個筆盒到痴住你個名..
唔會咁比心機上堂偷睇你d紙仔啦~
你自己太過著緊佢既一舉一動啦..放鬆d啦
會考過後就一切正常嫁啦~


我都覺得朋友講得好有道理.."
所以我e家都睇開左好多..冇再喊.."
都唔會係咁煩住佢..比多d時間佢.."
但我始終唔知我男友咩事..好擔心佢.."


大家又點睇丫..你地認為我朋友既講法合理丫??
有冇咩方法可以增加自己忍耐力嫁??
thx"