40分:我應該點做好呢?

正所謂當局者迷,在你的眼中這個男人令你難捨難離,而且放下無限同情和愛心,為他所作所為想盡方法去解釋,甚至有問題都不想要他負責,寧可自己忍受痛苦,一力承擔。
但在我眼中,這個男人只是一個優悠寡斷,無寧兩可,希望可以左右逢緣的人,得罪一句,他是個自私的男人。既然他選擇跟你發展,早就應該想到有一天總要來個決定,在你和女兒中間,選擇一個,這麼多年,他有做過什麼決定嗎﹖他留著你,但又想留著女兒,於是他要你白白為他空等,容我多口說句,如果他的太太或是你都沒提出分手,相信十年之後情況還是一樣,或者是等到他女兒大了,而你都老了...,對你,對他太太,對他女兒,對你肚內的孩子公平嗎﹖
如果你有勇氣,試試告訴他,你有了孩子,看他可否立刻做個決定。要是他還是沒法決定,就自己獨力把孩子揍大罷,這樣可能還要痛快。

好老實講句你應該係有咗bb兩個月嘅時候就去問而家呢個問題啦!!!你自己問心你有冇諗過想用個bb做藉口去令個男人留係你身邊????
呢個男人固然之係想享齊之福,正賤人,什麼唔捨得個女,佢唔識去爭取撫養權嗎??還是佢根本就唔想同佢老婆分開,如果唔係點解佢口講話同老婆無彎轉,唔想返去但到而家仲係同佢一齊而唔係同你一齊???
你自己亦都係,當初明知人地有老婆仔女,就算佢追你你都唔應該理佢,今日佢可以咁對老婆,他日都可以咁對返你.....而你話唔想破壞人地家庭,但我覺得你所做嘅野已經係破壞緊啦!!!你做咩會去見人地媽咪家姐????因為你想肯定你自己嘅地位咯!!!又話冇叫佢離婚但你而家咪又係想佢做決定....
講真我真係唔同情你,做得第三者就預咗可能冇結果啦!!!況且人地兩公婆嘅野你亦理唔到咁多,你心痛人地個老公心痛到上埋床,唔好講佢老婆啦,咁你有冇諗吓人地個女好可能因為你嘅"愛情"而變咗單親家庭長大,你而家自己都有咗,你都唔想自己個bb係單親家庭長大啦!!!!我睇你都應該係成年人啦,有咗果時你都同佢分手咁你應該諗過點處理個bb嘅將來,除非你一直都仲想個男人負責咯!
依家都有咗4個,就算你想唔要,家計會都唔會同你做終止手術啦!咁你唯有生佢出嚟自己養咯,同屋企人講睇下佢地幫唔幫到你,就算佢地唔幫你都唔可以怪佢地,當初你得做人情婦就要對一切後果自負....

可能我講d野你唔啱聼,但最後,小朋友無罪,生咗之後要好好照顧佢,至於個男人,你仲想等都冇人阻到你,到時你咪睇佢肯唔肯係你個bb嘅出世紙度寫佢自己係爸爸,如果佢肯,到時你可以要佢負責一部份撫養費,等個bb生活都好d.....

2009-02-20 14:36:22 補充：
都話唔好咁傻仲諗個男人嘅野,佢肯離婚又好,同你分手又好,而家你係要為自己同bb打算先,工又冇得做,俾你過到呢幾個月咁之後呢?你唔食個bb都要食嫁,可能你而家大肚,情緒唔係咁好,去睇產前檢查時同醫生講下,你再睇下bb嘅超聲波,你會覺得bb先係同你最親密.....
我都係過來人,不過我個角色係人地老婆,而家係兩個小朋友嘅媽咪,當初我老公仲賤過你男朋友,老實講到而家我都仲放唔低,但當攬住對小朋友嘅時候就好滿足........
而家我地女人已經再唔係以前咁,所有野都睇男人頭.....有手有腳唔會餓死自己同個bb嘅,況且個決定權係你度,你等佢心甘情願同你分手,不如你心甘情願同佢分手好過啦!!!!

我係你會唔要個男人囉! 我係佢老婆都想打佢, 一D負任心都無,你唔好俾佢呃啦~ 男人唔愛個老婆又想離婚點會去生BB呀?! 係,就算相佢真係俾老婆打, 作為一個男人又點會唔反抗, 可能佢想你同情佢, 等佢係佢老婆身上得唔到既野係你到搵到, 唔好因為這少少優越感而俾佢利用呀! 你都話佢老婆睇落無乜野啦~ 緊係個男人做左D咩先會任老婆打啦! 我都係人地老婆, 我睇完你所形容,呢個男人好無用, 係一個無自信,所有野都靠阿媽家姐或者佢老婆話事! 牛奶仔一個囉! 佢知唔知你有左呀? 你試下同佢講你有左, 身體唔好又唔方便留係公司想唔做野, 叫佢照顧你, 咁就可以等佢慢慢搞離婚, 無左個女都無所謂,反正你可以同佢生,之後D電話費呀, 睇醫生叫佢俾, 睇下佢有咩反應? 我就覺得佢一定會走頭囉! 再唔係就叫佢家姐出黎搵你傾GA喇!
不過BB無罪都4個月喇,而且你又有工作能力, 生出黎都唔係一件壞事,老公都唔及親生仔好~ 你自己諗諗啦~

我覺得你太相信男人，他如果不愛他的太太就不會被人打成咁都唔還手，還要一次又一次的回去她的身邊，男人都是多一個唔多，少一個唔少的，你明知他有太太也不做好預防措施實在責無旁貸，既然有工作就先要和家人商量安排孩子出世後由誰照顧，千萬不要放棄ｂｂ，你要做一個有責任的媽媽，和不和他繼續是另一回事，先做好媽媽的工作準備！

都是男人的錯!他們總不會思前故後,你愛他,他卻只會把你的愛丟到遠遠。造成今時今日的局面,他要負相當大的重任,當然,你也要負上部份責任。
說真的,你已被愛情衝昏了頭腦,你怎麼知道,他跟你說的是實話而不是謊言?
記得我以前也跟你一樣,覺得某個男生很可憐,結果呢?他只是兩邊跑才會那麼累!自己也覺得自己很笨,被騙那麼久。
所以我覺得你有必要查清楚以後才作打算,而且,你有了身孕,總不能獨自挺下去的吧?如果他能就這樣把你丟下,他絕不是好男人,不管什麼理由也是!
你現在有了4個月了 盡早跟家人說吧,不然晚點跟家人說,激動起來動了胎氣可以很嚴重喔!
孩子將會是你的寄托,所以加油喔 等侍苦盡甘來的一天吧^^

2009-02-18 21:49:35 補充：
有什麼想問下去 可以寄電郵給我 我會盡快回覆 很有可以打少了東西@@"

其實我覺得無論點都好,
嗰BB係無辜嘅
所以千萬唔可以做出一點傻事,
另外
其他嘢就由得佢順其自然發展啦
記住:俾d空間佢,等佢好好想清楚
咁樣對你或佢都係一件好事

P.S願主祝福