舊年,我識左一個有妻兒的男人。佢未追我之前,我已經對佢好有好感!而且佢又係我第一個我鐘意佢,佢又鐘意我嘅人!
個陣時,佢同佢老婆D關係已經好差!佢老婆經常打佢,全公司D人都知道左!都嗌佢同佢離婚!我同佢都發展得好快,佢帶我去見佢媽咪同家姐!佢地對我好好!仲同我講嗰個女人唔當佢係男人嚟架!拎左佢成分糧,仲郁D就打人!痴哂線架!
每次我見佢又俾佢打傷,只有心痛!但係我從來都無嗌佢離開佢老婆!因為我唔想成為破壞人地家庭嘅主因!我同佢一齊,只係想佢開心D!咁我都會好開心!
我見過佢老婆一次,佢好靚女,好溫柔,同佢仲好相襯添!不過佢令我明白到,兩個人相愛都要相處得來!我覺得佢老婆應該好愛佢,只不過方式錯左!因為之後我係網上見過佢啱啱有左個陣時所發表嘅BLOG文!
後來我又係YAHOO見到佢同人地話,佢嫁錯左人!我知道佢都有提過要離婚,後來又有D原因話唔想離!但係佢無幾耐又因為D事打人,打到佢唔使見人咁滯!咁樣嘅佢,我好唔明白!點解佢想要呢段婚姻,又唔好好維繄呢?
佢話佢好想離婚同我一齊,但係佢就見唔番個囡!嗰個女人成日用個小路囡威胁佢,唔係要幫佢改姓,穩其他男人做爸爸,就係唔俾佢見個囡囡!即使我係陌生人,我都睇唔過眼同埋替佢難受!
我同佢分手過一次,個陣時我已經有左!我無同佢講,都唔知點講!加埋年尾佢好忙,又有意冷落!而且我覺得佢仲鐘意佢!所以我同佢分手!但係佢日日飲到醉,佢本來好飲得架!所以佢係存心飲醉!酒後吐真言,我先知道佢一直係我同佢個囡囡磨心,佢兩個都唔捨得,佢已經唔愛佢老婆!個蠻我都喊左好耐!!!!!
再見番佢,成個人又瘦又攰,我好心痛!
佢同我講,嗰個女人要佢俾多次機會佢!所以佢返去!佢話佢地已經無得轉彎,只不過佢想佢心甘情願嘅離婚,咁佢都有機會見個囡囡!仲要我等佢搞掂D野!但係後來佢話佢返去個度忐忑不安根本唔想返!
近排情人節,佢好忙,所以話休息個日陪我!但係又粒聲唔出就放我飛機!原因係佢要佢出去!我又嬲又傷心,但係佢同我講返返下已經無返佢個度好耐,留係公司訓!我依家先至明佢個陣時間久病未好番!
佢話個個女人變左好多!但係佢已經唔愛佢!又唔捨得個囡!但唔想無左我!
呢個係我同佢之間一直以來既問題!
我應該點做好???
佢一直都做唔出決定,我可以點做???
更新1:
我依家有左四個月,未同屋企人講!!
更新2:
好多謝咁多位 我有少少補充,我男友由一開始就對我好坦白!我信佢!我都知佢點解做唔出決定! 只不過我可以點做先可以令佢心甘情願既放棄佢地或者係同我分手?? 我已經辭左分工,依家靠少少積蓄過生活!
