杜牙根,,,,,愛康健得唔得??????????

你姐姐既牙醫話杜一隻牙要$6000-7000,直情係非常之好貴, 你哋有冇聽錯吖! 咁既價錢做埋牙套都得呀! 因為做左杜牙根後, 隻牙會冇左鈣質供應, 就會慢慢變脆, 所以牙醫都會建議病人做埋牙套黎保護番隻牙。
我公司既醫療牙科保健最近出左份最新收費表, 杜牙根都係收$1,500-$2,800, 做牙套就$2,200起。
杜牙根痛唔痛架??
我諗因人而已! 我做杜牙根時係唔痛, 不過之後腫痛了幾日, 要食止痛葯和抗生素! 其實我個牙醫既手勢都唔錯吖! 但我屋企人做杜牙根就冇乜痛和好快消腫, 跟住杜多一次便可以補番隻牙喇!
我唔知道深圳係咪會平d?? 不過, 我自己就對佢地冇乜信心囉! 因為聽過d唔好既口諀; 而且大牙做杜牙根通常要分兩三次做, 整完牙之後有乜事, 又要返深圳揾番佢地執手尾, 我覺得好麻煩呀!

千萬不要北上去幫襯【愛康健】, 朱小姐廣告騙很多人！

香港醫生會一早同你講大約多少錢.

愛康健每次同你講少部份價錢，要你上去多次，每次同你整少少，我與家人就是這樣被騙上去很多次.....等你唔覺唔覺的給很多，前後幾萬元。

補完的牙仍會隱約感到裡面痛，但醫生死口說不關他事.

我也有杜牙根後補牙. 你見過有牙醫會車到病人的一隻牙變成一支牙(比牙籤粗少少)未吖? 他們就是這樣，當見到自己那一支牙真的心痛死！

配假牙，最初你問他們時五百幾一隻，到你上了多次到差不多要倒假模時便說五百幾的不好，易碎，只有三年保養............被他咁嚇當然會問醫生那些好些...千幾蚊的不錯，有再好d三千幾都有..........................結果我那隻假牙,不到兩個月掉了出來..........

至於我家人的牙比我更慘.........唉! 我後悔信錯那騙人廣告！

你仍可以選,千萬不要上去！不要信那廣告！不要信他們所謂的專家！騙人的！

6000-7000真係唔平,不如你姐姐去香港基督教服務處既診所預約時間補牙,果度杜牙根收$1600一隻牙,唔會另加雜費,因為我而家都杜緊牙根,果位牙醫手勢都ok架,我比佢杜緊果隻門牙都無咩點痛!
至於大陸補牙價錢雖平,但風險好高...

香港基督教服務處 - 診所
地址:九龍加連威老道三十三號一樓
查詢電話:2731-6214

杜牙根的時候有麻醉不會痛, 之後會痛1-2日但可以接受,不能咬哽食物
深圳ckj 的收費雖然平d,但計埋匯率和車費,其實跟香港差不多
好處是預約快
我自己都在ckj杜過兩次牙根, 羅湖關口, 一take過ok只需上去兩次,視乎隻牙根情況,無得急, 有補修, 後牙大約九百, 前牙大約六百, 有價目表自己選擇
如果咁都覺得貴大可走人, 掛號(即開個檔案)只要5元
做埋牙套要上多去一次