✔ 最佳答案
你好~~
我兒家讀緊IVE既高級文憑課程...今年FINAL YEAR...而且我都係綜援家庭....我諗我既經驗幫到你
Q1:請問拎綜援讀IVE有冇資助嫁?!
IVE會係新學期一開學既時候...
派好多關於申請資助既文件比你填...
雖然麻煩....但要申請就必須要填!
其實只要家庭入息同埋資產唔過一定數目
普通家庭都會得到資助(按不同情況批不同金額)
表格入面會有問你是否領取綜援...
答是的話
批核既方法會有小許唔同(在計算上)
詳情及大約資肋金額可參考
http://www.sfaa.gov.hk/tc/schemes/fasp/calculator/calculator.htm
在我的情況...我每一年都是全數資助的
(題外話:如果屋企經濟情況麻麻...必須要知道...學生資助多數要到學期中段先會發出
換句話講...就係一定要預左第一期同第二期學費交左先...大約2月左右政府資助先會到戶口
第一期---八/九月 30%
第二期---十一月 20%
第三期---一/二月 50%
所有家人戶口記緊要時常打簿...)
Q2:如果有資助係會資助曬幾年學費定點?!
非常麻煩...需要每年申請
Q3:同埋車費方面有冇津貼?
車費津貼係同上面提到果份資助一齊申請的
Q4:咁合唔合符報讀化妝既資格呢?!
道理上唔合符
因為IVE既入學要求係CE英文要合格
但係你都可以揀讀基礎文憑先(FUND DIP)
然後再升文憑(DIP)OR高級文憑(HIGH DIP)
而然 申請 DIP/ HIGH DIP入學既時侯
IVE係會先收返FUND DIP學生先既
所以會有優勢...優先揀到一D難入...收分高既科目
但係你亦會可以讀SBI既高級文憑
簡單黎講姐係貴既課程...可以自己衡量
Q5:我呢個成績有D咩IVE課程可以報讀呢?!
某D高級文憑可能會收...(上面提到貴D既課程)