好想投訴有線寬頻

本人是有線寬頻客戶, 有 2個account 但唔同地址(沙田及屯門)都係本人登記使用, 2 個ac 已經用左4年以上。事源於一年多前, 08年1月同有線簽左24個月合約,新合約係 2個月后先開始, 亦因為一d 私事咁啱本人3月要由沙田搬到元朗, 但元朗既地址並唔係有線既覆蓋範圍之內,所以打去有線要求將 24個月合約轉到另一個地址繼續用, 但被拒絕。簽合約果時我都問清楚如果無覆蓋的話咁會點, 有線cs 話係可以轉到另一個地址或者轉比其他人繼續用, 但結果有線話屯門地址已經有一個ac no, 唔可以轉過去用, 我亦都無朋友會用有線, 因為質素同態度都唔好, 我再要求有線比我轉到屯門個地址但當然又比拒絕, 有線仲話會喺我信用咭扣$500手續費或者叫我照扣 24個月費, 到將來搬到另一個有覆蓋接受既地區再用番, 咁我當然唔肯, 無可能要比$169x24個月,仲要唔知何年何月先用得到, 我即刻cut 左張信用咭, 之后事件不了了知, 有線都無左打黎。到左上星期五收到 2次不知明類似收數公司打黎話代有線向我討討 $63xx 既月費, 我真係當堂著左, 點樣變左6千幾大元呢????? 呢幾日都同有線既 sales, cs , 同賬單部爭拗左3次, 我強調我係會繼續用呢 24個月但一定要用於屯門地址, 但有線職員態度好差, 個個dept. 都推黎推去, 淨係識叫我交 6千幾蚊囉.........枉我用左咁多年, 有線電視都用過 2年,,,,,,,,,呢間公司不知所謂, 態度惡劣, 淨係識收錢....我衣家仲等緊佢地個咩cs 經理回覆, 仲有我當時係fax 左終止表格比有線, fax 左3.4次先話收到, 但都係無用, 總之對有線黎講有錢就係客, 無錢就係垃圾.......如果有線既答覆都係一樣, 咁我可以點?? 投訴又有無用呢??