究竟d人係咪痴線

有時候真係覺得自己好天真, 以為係網上真係會有真愛, 人地講兩句甜言蜜語就信哂人, 前幾日男朋友同我分手, 我同佢係網上識, 之前自己都曾經因為被網上既人厄過, 所以今次自己比以前小心, 認識佢多一點點既時間先出黎同佢見面~以為真係同佢真心相愛, 再唔係拍散拖, 點知..自己最後又係俾人厄, 俾人玩!!覺得自己好蠢丫..蠢到都無野可以再講~外表對你做一套, 內裡又對你做一套~!!個男仔好賤, 賤到原來外表係睇唔出~所以..依個社會係幾恐怖?其實我有個好大疑問.....希望大家可以幫到我~謝謝你們!!因為我真係唔知自己諗緊咩..當我仲同緊依個賤男人一齊既時候, 有一日我去搵男朋友食飯, 突然間佢個朋友打黎話搵佢聚聚, 之後我地三個人食完飯就周圍行..男朋友夠鐘要番公司, 所以佢剩番我同佢朋友一齊番屋企"我地行去塔地鐵個陣, 佢朋友講左好多關於男朋友既事俾我知, 都係佢唔好既野, 話佢花心, 話佢仲有上chat rm識女仔, 而且佢既愛情觀係好差"見異思遷, 佢話如果我真係鐘意佢就繼續, 唔鐘意佢就分手囉~我聽完之後當然唔開心, 因為從來都無諗過我依家既男朋友係咁樣, 佢對住我所做既野同佢朋友講既野好似有d出入, 所以當時既感覺真係..唔知可以用咩字去形容~之後一直番屋企個表情都好似無咩點變過, 佢朋友見我好似唔係好開心,唔知做咩事攬住我, 又拖住我, 叫我唔好唔開心, 唔想見到我咁..個時我推開左佢~落左車之後我就諗:可能佢只係見我唔開心,想安慰我所以咁做者"哎..我同左男朋友講依件事, 佢亦都同我講上chat rm佢以後都唔會咁做....etc.件事都無再理, 隔左三個星期, 其實係依三個星期我成日都同男朋友嗌交, 少少野都嗌~佢又話我肥要我減, 又話我唔靚..唔靚咁肥又要揀我!!又話我同佢傾電話傾到電話費好貴, 叫我交~我又無拉住佢同我傾, 我真係唔明點解1個男仔可以叫女朋友交電話費囉!!!!有一日我同男朋友d朋友一齊出去食飯, 之前提及個男仔都有去, 佢有個女朋友, 已經拍左拖五年了, 個日見佢都好鍚女朋友, 又送佢番屋企..但個日我主動同佢朋友講野, 佢朋友好似一句起兩句止咁..所以我地都無點講野~出街個日我俾左一部份既電話費俾男朋友, 第二日我朝早係咁打俾佢, 佢都cut左, 最後佢叫佢那個男性朋友打俾我話俾我知佢要分手。咁突然我真係唔知可以點接受!! 佢個男性朋友叫我出去, 慢慢同佢傾, 如果想搵到男朋友都可以用佢電話打"之後我同佢朋友出左去, 坐低左係到講..佢朋友又攬住得, 又鍚我, 但我無拒絕, 都唔知自己係到做緊咩..做左好多親密既行為!!不繼係到諗, 佢已經有女朋友, 我地究竟係到做緊咩??佢又再講多一次佢唔想見到我唔開心, 佢唔想見到我喊, 佢話自己鐘意我, 咁佢女朋友呢?五年拖了..佢問我如果佢無女朋友我會唔會鐘意佢?我答佢可以考慮......究竟係到做緊d咩丫?我真係唔明自己..佢話唔想我做第三者, 佢問我你唔介意做第三者咩?我竟然答佢唔介紹!!我真係覺得自己痴左線..明明無感覺, 都唔知點解會咁答佢~佢話唔想我做第三者, 要做就要做正選~之後就係咁走, 我追住佢諗住講清楚, 佢就愈走愈遠...最後我坐番係原位!!!之後我打俾佢又好快咁cut線..都唔明諗咩~我唔知佢對我係咪真係真心, 我會講佢係咪鐘意我都唔關我事, 究竟係咪真係覺得唔關我事呢?我都唔知..佢亦都同我講佢唔會好似男朋友咁介意我肥定係咩......佢叫我唔好提佢女朋友..個d個d~可能佢只係想當我係玩具, 所以先至搵我黎發洩...係咪呢????我都唔清楚, 我只係覺得1個好男人點解可以係女朋友背後對其他女仔做埋d咁既野..............個日之後佢無主動搵過我~係msn見到佢on, 都係我主動add佢講"我地仲係朋友"...我諗佢唔係真係鐘意我~就算係..我都唔會.......係囉!!!況且岩岩先同賤男人分手......傷心還有點傷心, 都唔想咁快.....網上既朋友~我真係覺得自己好蠢丫, 我竟然幫佢交電話費......一個介意自己個樣依樣既男人, 我留住佢心, 最後俾佢踐踏自己!!哎....佢個朋友我知道自己唔應該理同剛剛分手既男朋友..依兩件事令我好困擾, 好辛苦~因為真係唔明d人究竟係咪痴左線..佢地係好好朋友丫!! 佢個朋友叫過我小心d佢...但我知道佢朋友唔係話想我地分手之類既野.........我都唔知佢地有咩目的..我唔知~我問佢朋友點解要幫我, 佢話唔想見到我唔開心, 因為佢鐘意我, 愛我~好煩丫..