(求助)關於哥哥張國榮/香港地方

其實要睇你坐船要幾點鐘到香港喎。
落左船買左花，就去「杜麗莎夫人蠟像館」擺低花，同「哥哥」影吓合照，同我地d香港 fans 傾兩句，再問吓行程拿返D資料。然後落去中環「文華酒店」(未知可唔可以擺花，如果可以你咪又要再去買啦。)有錢的話入去食個 lunch。無錢就去跑馬地食，詳細地方可以係蠟像館時問香港 fans，而且跑馬地有「家姐」擺的牌位。(又係問香港 fans，又可以擺花。)
咁睇吓你有無時間啦，如果有就去沙田「寶福山」《寶禪堂》 (地址：沙田排頭街--沙田政府合署旁)，陳太果度呢放花。(又要買花，要D時間架。)再坐車去旺角東站落車行上去「哥哥故居」。(如果你又買花，又要D時間LAW!)
再坐車去尖沙咀「星光大道」， 晚上8時30分前(唔好咁遲，因為要排隊。)到尖沙嘴文化中心露天廣場睇RED MISSION的紀念活動。 (呢度唔洗花，帶個心去得啦。)

其實，你又可以先到文華再去蠟像館，因為唔知你幾點到香港。如果太早蠟像館未開門MA。
至於其他景點，唔係四一重點遊覽地，就唔好去住下次先啦。得一日，你未必去得哂。而且有好多景點會見到香港FANS，你或會同我地八吓「哥哥」的野，又要用返D時間。
P.S. - 唔知你會唔會真係度度都擺花，只係話定比你知可以擺花的地點。唔洗真係度度擺架，咁當然去到D佛堂就上返柱香啦。

首先你可以去煇記->文武廟->四方街 樓梯街->威靈頓街及士丹利街->藝穗會->搭纜車去杜麗莎夫人蠟像館->文華->搭地鐵去旺角東->步行或搭的士去哥哥屋企->再搭地鐵去尖沙咀既星光大道...


如果時間唔夠既話,可以減少目的地架...
4月1 你參唔參加8:30pm既致敬晚會?!

如果有咩唔明既可以搵我...