摄影取景时用哪一只眼睛？

呢個問題, 我都曾經問過導師....

其實有個方法, 可以測試你的「主力眼」係邊一隻....
咩叫主力眼?
即係你日常睇野, 會以呢隻眼的影像作為主要標準...
咁究竟係邊一隻呢? 因人而異....
咁點知係邊一隻呢? 咁就做下以下測試...

首先, 舉起你其中一隻手, 用拇指同食指做一個圓圈(即係 OK 咁o既手勢)...
之後, 你由呢個圈入面用雙眼望實前面的一點(唔駛好大點, 例如月曆上其中一個數字), 移動隻手, 將呢一點放在圓圈中間...
然後雙眼唔好離開果一點, 再你用另一隻手遮住其中一隻眼,
用另一隻無遮的眼, 睇下個圓圈裡面果點仲睇唔睇到...
之後用遮住另一隻眼, 做多一次, 睇下又見唔見果一點...

結果, 你可能會發現, 其中一隻眼先至會睇到圓圈裡面果一點,
咁果隻眼, 就係你的「主力眼」.....

如果無一隻眼可以睇到果一點, 咁可能係你平時已經平均使用兩隻眼, 咁就應該兩隻眼都係你的主力眼....

不過, 正確來講, 用 DSLR 果陣,
應該係兩隻眼都要打開睇野....
主力眼用來睇 viewfinder, 另一隻眼用來觀察周圍環境....
咁先至係最正確做法....
之但係, 如果主力眼係左眼,
咁就會可能俾隻右手遮住右眼的視線....

所以, 機身設計優良的單反, 應該無論用左眼定係右眼睇觀景器,
當兩眼都打開果陣, 係唔應該俾o的制或自己隻手遮住視線....

但, 取景用邊隻眼, 無話專唔專業o既...
最重要係有「攝影眼」, 看到值得拍下的畫面,
咁至算係專業....