請教攝影問題.........影芭蕾舞

室內運動拍攝受制於現場光線.而且動態題材也不容許用慢快門.所以高感光度及大光圈是必需的.這方面數碼單鏡反光機表現較好,如果只有普通DC,則只好盡力而為,但不能對相片質素期望太高.
拍攝方面,一來閃燈會影響舞蹈員,二來會有回電問題不利連拍,而且現場玻璃鏡會引起反光,建議關閉閃光燈拍攝.
普通DC的話,如果有運動模式就用吧.有光圈先決或全手動的話就將光圈開盡,快門方面約1/200秒比較安全,去唔到就加高感光度.照明好的話,iso 800,否則iso 1600都要用.有時iso 1600都冇1/200秒的話唯有博博盡量影一啲靜態擺pose既畫面.如果淨係得全自動咁其實冇乜嘢做到就只好睇全自動影到甚麼.
對焦方面有追焦固然最好.唔係好追到既話就睇有冇得估距離就咁影,分分鐘好過勉強用自動對焦,,連拍夠快就用連拍多補足不同動作,否則只好靠經驗單張影.
白平衡方面最好咪用全自動,開賽之前用白紙先設定白平衡比較好.
如果係用數碼單鏡機的話目標要定高啲.最好配備恆定大光圈鏡頭,假設你可以到場邊拍攝,70-200mm f2.8這個規格較適合拍一些舞蹈員大特寫.28-70mm f2.8則適合在非常狹窄的室內用或者影一些多人比賽的畫面.
快門速度差不多都係1/200秒左右.光線好可以用iso 800,看情況縮小小光圈更好,否則用iso 1600,除非係好高階新機,否則唔建議用更高感光度.1/200秒其實不足以涷結所有動作,除非想表達動態,否則可放棄一些急速旋轉動作.
建議用追焦,加連拍,高階機可以針對面部追焦,否則只好開晒所有對焦點博一博.盡量利用觀景窗判斷焦點是否正確,需要時改變構圖令焦點落在舞蹈員面部.
自設白平衡之餘最好影埋raw,事後調光暗也輕易一點.
如果現場光線非常平均,可以用全手動曝光,避免光圈舞蹈員服裝顏色等影響曝光值.
另外可以留意下現場照明,盡量在正光那邊影.
最後當然最好知道隻舞點跳,那裏動作較慢就可以集中火力影.
當掌握到快快門涷結動作之後就可以將快門收慢,影一些較有動態但面部依然清晰的畫面.因為成功率會偏低,建議影咗一定數量既相先好試.