急!請幫忙解籤

第一簽:
簽文係講魚游到清水既地方, 會怕容易被人見到用網捉左去,
雀仔飛到密林, 會怕自己睇唔見獵人佈既陷阱,
點解會有咁多擔心顧慮呢, 其實好多野過眼雲煙就似一場夢,

哩支簽你係問婚姻既, 根據簽文所講, 你係哩段婚姻入面應該有好多煩惱, 無論做乜野事都有所顧慮, 唔知應該點樣做好, 亦都唔明白點解自己仲有咁多煩惱, 你繼續你既煩惱既話,有2個可能會發生, 第1係到頭黎發覺乜都無哂, 一場空, 第2係,你樂觀一點去面對, 唔好俾自己太多煩惱, 咁就會發覺你之前煩過既野可能都唔係真實既,只係你想太多喇

第二簽:
簽文係講孔子,由於佢生於春秋時代, 係一個好黑暗既時代, 係當時佢發覺自己無論幾努力, 分辨是非對錯, 對於當時既現狀都無辦法改變, 於是佢就開始先有自身出發, 修身, 決定不會太早將一些大道理講出來, 以免令人無法接受

哩支簽你係問自身, 根據簽文所講, 你可能係生活中發現好多不平既事情, 但係你又發覺自己無辦法去改變, 你認為自己係一個有理想既人, 你應該要學孔子咁, 唔好太過勉強別人去接受, 你要先為自己打好基礎, 自然會有一個適當時候, 有人開始賞識你, 欣賞你

簽三簽:
簽文係講三國時代名將陸遜被困諸葛亮既八卦陣入面, 前路茫茫, 唔知點算好, 當佢以為自己既一生就咁終結既時候, 得到貴人既幫助, 好高興自己最終能夠逃出生天

哩支簽你都係問自身, 根據簽文, 你係生活中好迷茫, 成日會唔知自己下一步應該點樣做好, 亦都稔唔到辦法去改變現狀, 但係唔需要太擔心, 正如我第二簽所講, 你最後會有貴人幫你渡過依家既難關, 嗯..因為本身哩支簽講既野同第二簽差唔多,我稔你既處境應該都幾接近哩兩支簽所講, 你依家要做既就係先做好本份, 係適當時候自然會有貴人幫你過關架喇~雖然最後唔會係飛黃騰達,但係都會有唔錯既生活

`一次[發問].只問一個[問題].才會有較完整的[解答].