東歐--匈牙利,斯洛伐克,奧地利,捷克

其實要揀去歐洲的旅行社/團，主要是看他們的行程，當中的自費項目多不多，是否全包，因為若全部以歐羅計，那怕是幾拾元歐羅都會變成幾百元港元(截至2月14日計，每 1 歐羅兌 9.9720 港元)，少數怕長計嘛。另外是否搭直航機，因為我上次跟星晨去，來回都要在馬來西亞機場停留幾粒鐘等轉機，又唔俾出去行街。加上大清早，機場的店舖又未開，不知幾戇居呀，陰公！
我那次去東歐四國 9 天，和你一樣，都是包括奧地利、捷克、斯洛伐克和匈牙利。首先你要有個心理準備，就是東歐和其他歐洲國家不同，他們是以風景，歷史和建築物為主，你不要奢望有像倫敦和巴黎等等的大型購物中心和夜生活，他們絕對無乜夜生活，亦沒有甚麼好買，尤其是名牌方面，我認為最平最抵都是在香港買了。
講到食物方面，相對起中西歐，我個人覺得東歐的食物真的沒有甚麼特色。不過奧地利的鵝肝醬和朱古力都幾出名。此外，有些團友就買波希米亞水晶，但我自己就覺得香港的 Swaroski 比較好和出名了。
其實如果你唔鍾意這種行程的話都會幾悶，不過就肯定會慳好多錢囉！但我當時就抱著睇風景和歷史的心情去旅遊，所以覺得行程都不錯，尤其是在匈牙利的一段多瑙河乘船遊覽，風景真的很美，我個人就感覺氣氛很好和非常浪漫了。反而最無謂就是去斯洛伐克，因為只是路過形式逗留了半天和食了個午餐就離去了。
好喇，都差不多講完了，若果你有問題就再問我啦！祝你旅途愉快！

haha~~
我本來都諗住跟康泰~~
不過係10天個團~

我3月份都報咗康泰嘅東歐8天團呀, 你去完番來時講我知要注意D乜啦, 謝謝...

以我所知, 東歐就冇乜 shopping mall 啦, 主要都係風景為主...